លោក Antonio Guterres អគ្គលេខាធិការអង្គការសហប្រជាជាតិ។ រូបថត៖ Van Ngan/VOV.VN |
នៅក្នុងសន្និសីទសារព័ត៌មាននោះ លោក Antonio Guterres ក៏បានអំពាវនាវដល់ថ្នាក់ដឹកនាំអាហ្វហ្គានីស្ថាននៃក្រុមតាលីបង់ បន្ថែមក្រុមជនជាតិភាគតិចទៅក្នុងគណៈរដ្ឋមន្ត្រីរបស់រដ្ឋាភិបាល ស្តារសិទ្ធិកុមារីក្នុងការចូលរៀន និងសិទ្ធិការងាររបស់ស្ត្រី ហើយក្នុងពេលជាមួយគ្នានេះ បញ្ឈប់រាល់អំពើភេរវកម្ម នៅលើទឹកដីនៃប្រទេសនេះ។ លោកក៏បានរំលឹកឡើងវិញនូវការប្តេជ្ញារបស់អង្គការសហប្រជាជាតិ ក្នុងការបន្តការលុបបំបាត់អាវុធនុយក្លេអ៊ែរនៅឧបទ្វីបកូរ៉េ ហើយបានអំពាវនាវដល់សហគមន៍អន្តរជាតិឱ្យបន្តប្រដេញតាមគោលដៅនេះដើម្បីសន្តិភាព និងសន្តិសុខនៅក្នុងតំបន់អាស៊ីឦសាន និងពិភពលោកទាំងមូល។ លោក Antonio Guterres ក៏បានលើកឡើងពីជម្លោះដ៏រ៉ាំរ៉ៃជាច្រើនទសវត្សរ៍រវាងអ៊ីស្រាអែល និងប៉ាឡេស្ទីន ដោយលោកបញ្ជាក់ថា UN ថ្កោលទោសអំពើហឹង្សាលើប្រជាជនប៉ាឡេស្ទីន និងបន្តគាំទ្រដំណោះស្រាយរដ្ឋពីរ៕