កុលបុត្រកុលធីតាប្រមូលផ្តុំក្នុងទិវាគោរពវិញ្ញាណក្ខ័ន្ធដូនតាជាតិស្តេច Hung (រូបថត៖  phutho.gov.vn)

លោកប្រធានរដ្ឋ Nguyen Xuan Phuc បានអញ្ជើញអុជធូប ជូនផ្កានិងគ្រឿងដង្វាយដើម្បីគោរពរំលឹកដល់វិញ្ញាណក្ខ័ន្ធនិងថ្លែងអំណរគុណចំពោះគុណូបការៈ របស់បណ្តាស្តេច Hung ដែលបានកសាងប្រទេសជាតិ និងបួងសួងសុំឱ្យប្រទេសជាតិប្រកប ដោយវិបុលភាព សន្តិភាព ប្រជាជនសម្បូរធូធារ។

បន្ទាប់ពីពិធីអុជធូបនៅវិហារ Thuong ប្រធានរដ្ឋ លោក Nguyen Xuan Phuc និងគណៈប្រតិភូបានដាក់កម្រងផ្កានិងអុជធូបនៅវិមានស្តេច Hung ទី៦; ដាក់ផ្កានៅ មុខរូបចម្លាក់ក្បាច់ក្រឡោត “លោកអ៊ំហូជាមួយកម្មាភិបាលនិងយុទ្ធជននៃកងទ័ពត្រួសត្រាយ" នៅផ្លូវបំបែកនៃវិហារ Gieng។ លោកប្រធានរដ្ឋក៏បានចូលរួមពិធីបើកការដ្ឋានសាងសង់គម្រោងផ្ទះវប្បធម៌និងសិល្បៈខេត្ត Phu Tho នៅទីលាន Hung Vuong ទីក្រុង Viet Tri។ នេះជាកន្លែងរក្សានិងអភិរក្សបេតិកភណ្ឌវប្បធម៌អរូបីតំណាងមនុស្សជាតិចំនួនពីរ គឺ ជំនឿគោរពបូជាវិញ្ញាណក្ខ័ន្ធស្តេច Hung និងចម្រៀង Xoan Phu Tho ផងដែរ។

ក្នុងក្របខ័ណ្ឌនៃសកម្មភាពរំលឹកខួបបិតាជាតិ ស្ដេច Hung នាយប់ថ្ងៃទី ៩ មេសា នៅទីក្រុង Viet Tri (Phu Tho) កម្មវិធីសិល្បៈ “ប្រភពដើមដ៏ពិសិដ្ឋ - តំបន់ដីពិសិដ្ឋ ស្តេច Hung” បានប្រារព្ធឡើងយ៉ាងឱឡារិក។ បន្ទាប់ពីកម្មវិធីសិល្បៈគឺជាការបង្ហាញកាំជ្រួចដ៏ត្រចះត្រចង់ដើម្បីអបអរព្រឹត្តិការណ៍រំលឹកខួបបិតាជាតិស្ដេច Hung ឆ្នាំ ២០២២។

ក្នុងឱកាសនេះ មូលដ្ឋាននានាទូទាំងប្រទេសក៏បានរៀបចំសកម្មភាពចូលរួមអបអរសាទរខួបបិតាជាតិស្តេច Hung ផងដែរ។

ទន្ទឹមនឹងនោះ នៅឯបរទេស អាណិកជនវៀតណាម ក៏រៀបចំសកម្មភាពអបអរសាទរខួបដូនតាជាតិស្តេច Hung។ នៅសាធារណរដ្ឋ Cezch នាយប់ថ្ងៃទី៩ ខែមេសា នៅមជ្ឈមណ្ឌលពាណិជ្ជកម្ម Sapa ជនវៀតណាមនៅឯបរទេសមួយចំនួនធំបានចូលរួមពិធីគោរពវិញ្ញាណក្ខ័នបិតាជាតិស្តេច Hung ២០២២។ នេះជាលើកទី៨ហើយ ដែលពិធីគោរពវិញ្ញាណក្ខ័ន្ធបិតាជាតិស្តេច Hung ត្រូវបានប្រារព្ធឡើងនៅសាធារណរដ្ឋ Cezch។

នៅប្រទេសម៉ាឡេស៊ី ហុងគ្រី និងប្រទេសជាច្រើនផ្សេងទៀត សហគមន៍វៀតណាមបានរៀបចំយ៉ាងឱឡារិកនូវពិធីគោរពវិញ្ញាណក្ខ័ន្ធស្តេច Hung តាមប្រពៃណីដើម្បីរំលឹកដល់គុណូបការៈរបស់បណ្តាស្តេច Hung និងបុព្វបុរស៕