នាថ្ងៃទី៨ ឧសភា ក្រសួងកសិកម្មនិងអភិវឌ្ឍជនបទវៀតណាមបាន សហការជាមួយគណៈកម្មាធិការប្រជាជនខេត្ត Soc Trang រៀបចំកិច្ចប្រជុំ អំពីភារកិច្ចអភិវឌ្ឍវិស័យបង្គារទឹកភ្លាវក្នុងឆ្នាំ២០២០ ដោយមានការចូលរួម របស់ថ្នាក់ដឹកនាំខេត្តនិងផ្នែកកសិកម្មនៃខេត្តជាប់សមុទ្រទាំង៨នៅតំបន់ ដីសណ្ដទន្លេ Cuu Long រួមជាមួយសមាគមន៍និងសហគ្រាសកែច្នៃជលផល នៅតំបន់ភាគខាងត្បូងផងដែរ។

រដ្ឋមន្រ្តីក្រសួងកសិកម្មនិងអភិវឌ្ឍជនបទលោក Nguyen Xuan Cuong បានឲ្យដឹងថា ក្នុងឆ្នាំ២០២០ វិស័យបង្គារទឹកភ្លាវត្រូវប្រឈមនឹងការសាក ល្បងជាច្រើនដូចជាជំងឺរាតត្បាត Covid-19 ប៉ុន្តែវិស័យនេះនៅតែមាន ឱកាសនិងសក្ដានុពលដើម្បីអភិវឌ្ឍ។ វិស័យបង្គារវៀតណាមជឿជាក់ថា នឹងសម្រេចបានទំហំនាំចេញហួសពី៣,៥ពាន់លានដុល្លាអាមេរិក៕