ឃ្លាំងកុងតឺន័រនៅកំពង់ផែ Tan Vu (Hai Phong)។ រូបថត៖ Tuan Anh/TTXVN

ដោយមានចំណងជើងថា “WB: វៀតណាមគឺជាសក្ខីភាពអំពីការអភិវឌ្ឍប្រកបដោយជោគជ័យ” ដែលចុះផ្សាយនៅលើគេហទំព័រ washingtoneexaminer.com (USA) នាថ្ងៃទី ១៧ ខែមីនា អ្នកនិពន្ធ Rainer Zitelmann បានចាត់ទុកថា ខឿនសេដ្ឋកិច្ចសេរីកំពុងធ្លាក់ចុះនៅទូទាំងពិភពលោក ប៉ុន្តែវៀតណាមបានដើរផ្ទុយនឹងនិន្នាការរួម។ អត្ថបទបានដកស្រង់របាយការណ៍ធ្វើបច្ចុប្បន្នភាពនាខែមករារបស់ការិយាល័យស្រាវជ្រាវម៉ាក្រូសេដ្ឋកិច្ចអាស៊ាន+៣ (AMRO) បានឲ្យដឹងថា  សេដ្ឋកិច្ចវៀតណាមត្រូវបានព្យាករណ៍ថាសម្រេចបានកំណើន ៦% ក្នុងឆ្នាំនេះ ដោយសារការងើបឡើងវិញនៃការនាំចេញ។ ជាមួយនឹងការព្យាករកំណើននេះ វៀតណាមជាប់ចំណាត់ថ្នាក់លេខ ៣ ក្នុងការព្យាករណ៍របស់ AMRO ស្ដីពីកំណើនផលិតផលក្នុងស្រុកសរុប (GDP) របស់ប្រទេសនានាក្នុងតំបន់។

យោងតាមអត្ថបទនេះបានឲ្យដឹងថា កំណើនសេដ្ឋកិច្ចវៀតណាមមិនត្រឹមតែត្រូវបាន
កត់ត្រាក្នុងវិស័យឧស្សាហកម្មប៉ុណ្ណោះទេ ថែមទាំងនៅក្នុងវិស័យផ្សេងៗជាច្រើនទៀត។  វៀតណាមបានអះអាងពីឋានៈលើវិស័យបច្ចេកវិទ្យាខ្ពស់ រួមមានឧស្សាហកម្ម ៤.០ បន្ទះឈីប semiconductor បញ្ញាសិប្បនិម្មិត (AI) និងអ៊ីដ្រូ ព្រមទាំងកំពុងទាក់ទាញទុនអន្តរជាតិ។ ការវិនិយោគផ្ទាល់ពីបរទេស (FDI) កាលពីឆ្នាំមុនឈានដល់ ៣៦,៦ ពាន់លានដុល្លារអាមេរិក។ អត្ថបទបានកត់សម្គាល់ពីវឌ្ឍនភាពរបស់វៀតណាមក្នុងការប្តេជ្ញាចិត្តបើកទីផ្សារ និងបង្កើនស្ថិរភាពផ្នែកគតិយុត្តសម្រាប់វិនិយោគិនតាមកិច្ចព្រមព្រៀងពាណិជ្ជកម្មសេរី និងកិច្ចព្រមព្រៀងគាំពារការវិនិយោគផងដែរ៕