លទ្ធផលដំបូងនៃការបោះឆ្នោតនៅសាធារណៈរដ្ឋស្វ័យប្រកាស Donetsk (Image: VOV)

(VOVworld) – នាព្រឹកថ្ងៃទី ៣ វិច្ឆិកា ស្ថាប័នរៀបចំការបោះឆ្នោតនៅសាធារណៈរដ្ឋ
ស្វ័យប្រកាស Donetsk បានប្រកាសលទ្ធផលដំបូងនៃការបោះឆ្នោតនាពេលថ្មីៗនេះ សំដៅជ្រើសរើសថ្នាក់ដឹកនាំរដ្ឋអំណាចនិងស្ថាប័ននិតិបញ្ញត្តិនៅតំបន់ភាគខាងកើត
អ៊ុយក្រែននេះ។ តាមនោះ លោក  Alexander Zakharchenko អ្នកប្រមុខរដ្ឋអំណាច សាធារណៈរដ្ឋស្វ័យប្រកាស Donetsk ដណ្តើមបានសម្លេងគាំទ្រចំនួន ៨១,៣៧%។ គណៈបក្សរបស់លោក Zakharchenko ទទួលបានសម្លេងគាំទ្រចំនួន ៦៥% ក្នុងការបោះឆ្នោតស្ថាប័ននិតិបញ្ញត្តិនៅ Donetsk ផងដែរ។ រដ្ឋអំណាចអ៊ុយក្រែន បានប្រកាសមិនទទួលស្គាល់ការបោះឆ្នោតនៅ Donetsk ទេ ហើយគំរាមថានឹង បញ្ឈប់ការផ្គត់ផ្គង់ឧស្ម័ន្ធដុតសំរាប់តំបន់នេះ។ ក្នុងពេលនោះ សហភាពអឺរ៉ុប (EU)  បានព្រមាននឹងបង្កើនបទដាក់ទណ្ឌកម្មទៅលើរុស្ស៊ីក្នុងករណីប្រទេសនេះទទួលស្គាល់ លទ្ធផលនៃការបោះឆ្នោតនៅតំបន់ខាងកើតអ៊ុយក្រែន៕