ក្រៅពីជំនួបជាមួយមន្ត្រីរដ្ឋាភិបាលអ៊ីស្រាអែល ដើម្បីពិភាក្សាអំពីស្ថានការណ៍នេះ រដ្ឋមន្ត្រីការបរទេសអាមេរិកក៏រំពឹងថា នឹងជួបជាមួយប្រធានាធិបតីប៉ាឡេស្ទីន លោក Mahmoud Abbas នៅថ្ងៃទី ១៣ ខែតុលា។
នាព្រឹកថ្ងៃទី ១២ ខែតុលា រដ្ឋមន្ត្រីការបរទេសអ៊ីរ៉ង់ លោក Hossein Amir-Abdollahian បានចាប់ផ្តើមដំណើរទស្សនកិច្ចទៅកាន់ប្រទេសអ៊ីរ៉ាក់ និងបណ្តាប្រទេសក្នុងតំបន់ ដើម្បីពិភាក្សាអំពីវិធានការបញ្ឈប់ការប្រយុទ្ធគ្នានៅតំបន់ហ្គាហ្សា។ មុននោះ កាលពីថ្ងៃទី ១១ ខែតុលា ប្រធានាធិបតីទួរគី លោក Recep Tayyip Erdogan បានពិភាក្សាជាមួយតំណាងនៃក្រុមហាម៉ាស ដើម្បីជំរុញការដោះលែងចំណាប់ខ្មាំងដែលក្រុមហាម៉ាស់បានចាប់ខ្លួនក្នុងអំឡុងពេលវាយឆ្មក់លើទឹកដីអ៊ីស្រាអែលកាលពីថ្ងៃទី ៧ ខែតុលា៕