 រដ្ឋមន្រ្តីក្រសួងការពារជាតិវ៉េណេស៊ុយអេឡាលោក Vladimir Padrino |
ការចែករំលែកនៅលើបណ្តាញសង្គម Twitter រដ្ឋមន្រ្តីក្រសួងការពារជាតិវ៉េណេស៊ុយអេឡាលោក Vladimir Padrino បានអះអាងថា ការដែលភាគីប្រឆាំងស្វែងរកវិធីនាំយកវ៉េណេស៊ុយអេឡាត្រឡប់ទៅចូលរូមក្នុងសន្ធិសញ្ញា TIAR គឺជាទង្វើមួយដែលក្បត់ជាតិ ព្រមទាំងសង្កត់ធ្ងន់ថាកងកម្លាំងប្រដាប់អាវុធជាតិបូលីវ៉ា បានប្រឆាំងជំទាស់យ៉ាងពេញទំហឹងចំពោះគោលបំណងដ៏ងងឹតនេះផងដែរ។ លោក Padrino បានអះអាងថា TIAR គឺជាមធ្យោបាយមួយដើម្បីត្រួតត្រា និងធ្វើអន្តរាគមន៍ដល់ឯករាជ្យភាពនិងអធិបតេយ្យភាពរបស់ប្រជាជាតិ ហើយលោកអតីតប្រធានាធិបតី Hugo Chavez ធ្លាប់សម្រេចចិត្តនាំប្រទេសវ៉េណេស៊ុយអេឡាចាកចេញពីសន្ធិសញ្ញានេះចាប់តាំងពីឆ្នាំ២០១២ ដើម្បីការពារបូរណភាពទឹកដី ឯករាជ្យភាពនៃប្រទេសអាមេរិកខាងត្បូងនេះផងដែរ៕