ប្រធានរដ្ឋសភាវៀតណាមលោកស្រី Nguyen Thi Kim Ngan - ប្រធាន AIPA លើកទី៤១។ (រូបថត៖ quochoi.vn)

ចាប់ពីថ្ងៃទី៨ដល់ថ្ងៃទី១០ កញ្ញា ឆ្នាំ២០២០ រដ្ឋសភាវៀតណា ទទួលតំណែងជាប្រធានមហាសន្និបាតអន្តរសភាសមាគមន៍ប្រជាជាតិអាស៊ីអាគ្នេយ៍ (AIPA) លើកទី៣ ហើយជាម្ចាស់ផ្ទះនៃមហាសន្និបាត AIPA លើកទី៤១ តាមប្រព័ន្ធវីដេអូ ក្រោមប្រធានបទ “ការទូតសភាដើម្បីសម្រេចបានសហគមន៍អាស៊ានប្រកបដោយភាពស្អិតរមួតនិងឆ្លើយតប”។

ក្នុងឱកាសនេះដែរ ប្រធានរដ្ឋសភាវៀតណាមលោកស្រី Nguyen Thi Kim Ngan មានអត្ថបទសរសេរដោយចំណងជើងថា “ការទូតសភាដើម្បីសម្រេចបានសហគមន៍អាស៊ានប្រកបដោយភាពស្អិតរមួតនិងឆ្លើយតប”។ អត្ថបទនេះបាន ឲ្យដឹងថា មហាសន្និបាត AIPA ៤១ នឹងផ្ដោតសំខាន់ទៅលើការពិភាក្សា ហើយអនុម័តលើសេចក្ដីសម្រេចចិត្តនានាស្ដីពី៖ ការបង្កើនតួនាទីរបស់ សមាជិក សភាក្នុងការធានាការងារធ្វើនិងប្រាក់ចំណូលរបស់ពលការិនី ការទូតសភាដើម្បីសន្តិភាពនិងសន្តិសុខប្រកបដោយចីរភាពរបស់អាស៊ាន តួនាទីរបស់សភាក្នុងការជំរុញការតភ្ជាប់និងការស្ដារសេដ្ឋកិច្ចអាស៊ានឡើង វិញក្រោយពីវិបត្តិ Covid-19 បង្កើនតួនាទីរបស់ AIPA ក្នុងការកសាងសហគមន៍វប្បធម៌-សង្គមអាស៊ានដើម្បីឆ្លើយតបនឹងជម្ងឺរាតត្បាត Covid-19។

នៅមហាសន្និបាត AIPA ៤១ រដ្ឋសភាវៀតណាមនឹងលើកឡើងគំនិត ផ្ដួចផ្ដើមដ៏សំខាន់ចំនួន២។ ទីមួយគឺ រៀបចំកិច្ចប្រជុំក្រៅផ្លូវការសមាជិក សភាវ័យក្មេង AIPA។ ទីពីរគឺ តភ្ជាប់សកម្មភាពរបស់ AIPA ជាមួយសកម្ម ភាពរបស់សហភាពអន្តរសភាពិភពលោក (IPU) ដោយផ្សាភ្ជាប់នឹងការ អនុវត្តរបៀបវារៈឆ្នាំ២០៣០របស់អង្គការសហប្រជាជាតិស្ដីពីការអភិវឌ្ឍ ប្រកបដោយចីរភាព។

អត្ថបទសរសេរនេះបានសង្កត់ធ្ងន់ថា ក្នុងតួនាទីជាប្រធាន AIPA រដ្ឋ សភាវៀតណាមសន្យាធ្វើអស់ពីកម្លាំងកាយចិត្ត រួមជាមួយការគាំទ្ររបស់ សភាសមាជិក AIPA ផ្សេងៗទៀត រៀបចំប្រកបដោយជោគជ័យនូវសកម្ម ភាពនានានៃឆ្នាំប្រធាន AIPA មហាសន្និបាត AIPA ៤១ ព្រមទាំងរួមចំណែក យ៉ាងជាក់ស្ដែងដល់ការអភិវឌ្ឍទំនាក់ទំនងភាពជាដៃគូរវាង AIPA-ASEAN ឲ្យកាន់តែស៊ីជម្រៅពីមួយថ្ងៃទៅមួយថ្ងៃផងដែរ៕