ភាគីនានានៅប៉ាឡេស្ទីនឯកភាពរៀបចំការបោះឆ្នោតនាចុងឆ្នាំ ២០១៨

(VOVworld) – ក្នុងរយៈពេល ២ ថ្ងៃគឺថ្ងៃទី ២១ និងទី ២២ វិច្ឆិកា តំណាងបណ្ដាភាគីនៅ ប៉ាឡេស្ទីនបានដំណើរការសន្ទនានៅសម័យប្រជុំនៅរដ្ឋធានីកែរបស់អេហ្ស៊ីបដើម្បីឯកភាពអំពីរាល់បញ្ហាសំខាន់ៗដូចជា៖ របៀបជំរុញកិច្ចព្រមព្រៀងបង្រួបបង្រួមដែលចលនាឥស្លាម  Hamas និង Fatah ទទួលបាននាខែទៅមិញ ក៏ដូចជា បញ្ហាសន្តិសុខ ការកំណត់ពេលវេលា រៀបចំការបោះឆ្នោតនិងការបង្កើតរដ្ឋាភិបាលសាមគ្គីជាតិ។ ការស្រុះចិត្តគំនិតទទួលបាន ក្រោយរយៈពេល ២ ថ្ងៃចរចាររវាងភាគីនានាដែលត្រូវបានចាត់ទុកជាជំហានវិជ្ជមានឆ្ពោះទៅ ការកសាងជនជាតិប៉ាឡេស្ទីនសាមគ្គីភាពមួយ រួមវិភាគទានដ៏សែនសំខាន់ចូលក្នុងដំណើរ សន្តិភាពនៅមជ្ឈឹមបូព៌ារ។ បញ្ចប់ការសន្ទនា ភាគីនានាបានចេញសេចក្តីថ្លែងការណ៍រួម ក្នុងនោះ ឯកភាពរៀបចំការបោះឆ្នោតនាចុងឆ្នាំ ២០១៨៕