 ប្រធានគណបក្ស Komeito (សម្ព័ន្ធគណបក្សកាន់អំណាច) នៃប្រទេសជប៉ុន លោក Yamaguchi Natsuo ។ រូបថត៖ NHK News |
ដំណើរទស្សនកិច្ចរបស់លោក Yamaguchi Natsuo ទៅកាន់ប្រទេសចិន ក្នុងគោលបំណងបញ្ជាក់ឡើងវិញនូវគោលជំហរនៃការជំរុញទំនាក់ទំនងជាយុទ្ធសាស្ត្ររវាងប្រទេសទាំងពីរ ដែលបានឯកភាពនៅក្នុងកិច្ចពិភាក្សាជាន់ខ្ពស់រវាងនាយករដ្ឋមន្ត្រីជប៉ុន លោកKishida Fumimo និងប្រធានរដ្ឋ ចិន លោក Xi Jinping នៅខាងក្រៅកិច្ចប្រជុំមេដឹកនាំសេដ្ឋកិច្ចនៃវេទិការសហប្រតិបត្តិការអាស៊ីប៉ាស៊ីហ្វិក (APEC) ដែលបានប្រព្រឹត្តិទៅកាលពីសប្តាហ៍មុន (១៥-១៧ ខែវិច្ឆិកា) នៅទីក្រុង San Francisco សហរដ្ឋអាមេរិក។
តាមការគ្រោងទុក លោក Yamaguchi Natsuo នឹងជួបពិភាក្សាជាមួយមេដឹកនាំចិនមួយចំនួន ផ្លាស់ប្តូរយោបល់ទាក់ទងនឹងវិធានការពង្រឹងការផ្លាស់ប្តូររវាងប្រទេសទាំងពីរក្នុងវិស័យនយោបាយ សេដ្ឋកិច្ច និងវប្បធម៌។ លើកពីនេះទៅទៀត លោក Yamaguchi Natsuo នឹងបន្តបញ្ជាក់ពីការបង្ហូរទឹកសំណល់ពីរោងចក្រថាមពលនុយក្លេអ៊ែរ Fukushima លេខ ១ របស់ជប៉ុន ចូលទៅក្នុងសមុទ្រ និងស្នើឱ្យចិនលុបចោលការផ្អាកការនាំចូលអាហារសមុទ្ររបស់ជប៉ុន៕