ប្រធានរដ្ឋសភាវៀតណាម លោក Vuong Dinh Hue បានទទួលជួបលោក Chey Tae Won ប្រធានសម្ព័ន្ធក្រុមហ៊ុន SK នៅវៀតណាម។ (រូបថត៖ VOV) |
នៅឯពិធីទទួល ប្រធានរដ្ឋសភា លោក Vuong Dinh Hue បានឲ្យដឹងថា មជ្ឈ មណ្ឌលនវានុវត្តន៍ជាតិវៀតណាម ហៀបនឹងបើកសម្ពោធនៅទីក្រុងហាណូយ។ លោក ប្រធានរដ្ឋសភាជឿជាក់ថា ដោយមានការជួយឧបត្ថម្ភពី SK នេះនឹងជាការជំរុញដ៏ សំខាន់មួយសម្រាប់ការចាប់ផ្តើមអាជីវកម្មប្រកបដោយភាពច្នៃប្រឌិតរបស់វៀតណាម រួមចំណែកក្នុងដំណើរការផ្លាស់ប្តូរសេដ្ឋកិច្ច និងការបង្កើតមជ្ឈមណ្ឌលជាច្រើនទៀត នៅវៀតណាមនាពេលអនាគត។
លោកប្រធានរដ្ឋសភាបានស្នើឱ្យ SK ពិគ្រោះយោបល់ជាមួយទីភ្នាក់ងារនានា របស់រដ្ឋសភា ដើម្បីកែលម្អស្ថាប័ន គោលនយោបាយពាក់ព័ន្ធនឹងវិស័យដូចជាការ ផ្លាស់ប្ដូរថាមពល ការអនុវត្តផែនទីបង្ហាញផ្លូវកាត់បន្ថយការបំភាយឧស្ម័នកាបូន ដើម្បី សម្រេចបាននូវគោលដៅបំភាយឧស្ម័នសូន្យសុទ្ធត្រឹមឆ្នាំ ២០៥០; ពិគ្រោះយោបល់ ជួយឧបត្ថម្ភខាងបច្ចេកទេស និងរៀបចំគោលនយោបាយដើម្បីទាក់ទាញសហគ្រាស បន្តវិនិយោគនៅវៀតណាម។
លោកប្រធានសម្ព័ន្ធក្រុមហ៊ុន SK បានវាយតម្លៃថា ការបើកសម្ពោធមជ្ឈមណ្ឌល នវានុវត្តន៍ជាតិគឺជាលទ្ធផលនៃកិច្ចសហប្រតិបត្តិការដែលបានចុះហត្ថលេខាក្នុង អំឡុងដំណើរទស្សនកិច្ច របស់ប្រធានរដ្ឋសភាវៀតណាមទៅកាន់កូរ៉េខាងត្បូងនាពេល ថ្មីៗនេះ; ជឿជាក់ថាមជ្ឈមណ្ឌលនវានុវត្តន៍ជាតិគឺជាមូលដ្ឋានសម្រាប់ការអភិវឌ្ឍរបស់ វៀតណាម; មានបំណងចង់ជួយវៀតណាមផលិតថាមពលដោយឯករាជ្យ។ លោកប្រធាន បាននិយាយថា សម្ព័ន្ធក្រុមហ៊ុន SK កំពុងមានកម្មសិទ្ធិលើបច្ចេកវិទ្យា និង ក្រុមហ៊ុនបុត្រសម្ព័ន្ធជាច្រើនទាក់ទងនឹងវិស័យកំណើនបៃតង ដូច្នេះសម្ព័ន្ធក្រុមហ៊ុននឹង សហការជាមួយសហគ្រាសធុនតូច និងមធ្យមរបស់វៀតណាមក្នុងវិស័យនេះ ជា ពិសេសនៅក្នុងតំបន់ដែលមានសក្តានុពលខ្លាំងសម្រាប់ការអភិវឌ្ឍថាមពលឧស្ម័នធម្មជាតិរាវ (LNG)៕