នៅក្នុងក្រឹត្យនេះ លោកប្រធានាធិបតី Trump បានសង្កត់ធ្ងន់ថា មានភ័ស្តុតាងដែលអាចជឿទុកចិត្តបាន ដែលថា ByteDance អាចចាត់វិធានការដើម្បីបន្សោយសន្តិសុខជាតិរបស់សហរដ្ឋអាមេរិក។ ទង្វើរដូចពោលខាងលើនេះ បានបង្កើនសម្ពាធទៅលើក្រុមហ៊ុន ByteDance ត្រូវតែផ្ទេរកម្មវិធី TikTok ព្រមទាំងបង្កើតមូលដ្ឋានគតិយុត្តិសម្រាប់រដ្ឋអំណាចលោក Trump អាចបង្ក្រាបលើកម្មវិធីប្រព័ន្ធផ្សព្វផ្សាយសង្គមរបស់ចិននេះ។
នាពេលថ្មីៗនេះ TikTok បានស្ថិតនៅក្នុង “ផ្ទាំងស៊ីប” របស់សមាជិកសភាអាមេរិក ដោយលើកឡើងហេតុផលអំពីការព្រួយបារម្ភលើសន្តិសុខជាតិ។ កាលពីសប្តាហ៍មុន លោកប្រធានាធិបតី Trump បានចេញបទបញ្ជាស្តីពីការហាមឃាត់ការធ្វើប្រតិបត្តិការរបស់អាមេរិកជាមួយម្ចាស់កម្មវិធី WeChat និង TikTok ដែលមានទីស្នាក់ការនៅប្រទេសចិន ហើយបញ្ហានេះបានបង្កើនភាពតានតឹងយ៉ាងខ្លាំងថែមទៀតរវាងប្រទេសទាំងពីរផងដែរ៕