 ប្រធានាធិបតីអាមេរិក Joe Biden និងប្រធានរដ្ឋចិន Xi Jinping ក្នុងកិច្ចប្រជុំតាមអ៊ីនធឺណែតនៅថ្ងៃទី ១៥ ខែវិច្ឆិកា ឆ្នាំ ២០២១។ (រូបថត៖ AFP/TTXVN) |
មេដឹកនាំអាមេរិក និងចិនទាំងពីររូប មិនទាន់មានជំនួបដោយផ្ទាល់ណាមួយ ចាប់តាំងពីលោក Biden បានចូលកាន់តំណែង ក្នុងខែមករា ឆ្នាំ២០២១។ ការប្រាស្រ័យទាក់ទងគ្នារវាងភាគីទាំងពីរមានដែនកំណត់ នៅក្នុងកិច្ចសន្ទនាតាមទូរសព្ទ និងជំនួបតាមវីដេអូ ជាបន្តបន្ទាប់។ នៅក្នុងកិច្ចសន្ទនាតាមទូរស័ព្ទនាពេលថ្មីៗនេះ កាលពីខែកក្កដា មន្ត្រីអាមេរិកមួយរូបបានឲ្យដឹងថា ប្រធានាធិបតីអាមេរិកលោក Biden និងប្រធានរដ្ឋចិន លោក Xi Jinping បានសម្រេចចិត្ត "ស្វែងរកពេលវេលាសមស្របបំផុត" ដើម្បីរៀបចំកិច្ចប្រជុំទល់មុខគ្នា។
កាលពីដើមខែសីហា ប្រធានាធិបតីឥណ្ឌូនេស៊ី លោក Joko Widodo បានឲ្យដឹងថា ប្រធានរដ្ឋចិន លោក Xi Jinping នឹងចូលរួមកិច្ចប្រជុំកំពូល G២០ នៅប្រទេសឥណ្ឌូនេស៊ីក្នុងខែវិច្ឆិកាខាងមុខ។ នាពេលកន្លងទៅ ដោយសារតែផលប៉ះពាល់នៃជំងឺកូវិដ-១៩ លោក Xi Jinping មិនបានចូលរួមក្នុងកិច្ចប្រជុំកំពូលធំៗណាមួយ ហើយក៏បានកាត់បន្ថយការធ្វើដំណើរទៅបរទេសផងដែរ៕