ពិធីទទួលស្វាគមប្រធានាធិបតីម៉ុងហ្គោលី លោក Ukhnaagiin Khurelsukh និងលោកជំទាវនៅអាកាសយានដ្ឋានអន្តរជាតិ Noi Bai។ (រូបថត៖ TTXVN)

ដំណើរទស្សនកិច្ចនេះ ប្រព្រឹត្តទៅចាប់ពីថ្ងៃទី១ ដល់ថ្ងៃទី៥ ខែវិច្ឆិកា តបតាមការអញ្ជើញរបស់ ប្រធានរដ្ឋនៃសាធារណរដ្ឋសង្គមនិយមវៀតណាម លោក Vo Van Thuong។ មុនដំណើរទស្សនកិច្ចនេះ លោក Ukhnaagiin Khurelsukh ធ្លាប់បានទៅបំពេញទស្សនកិច្ចនៅវៀតណាម ក្នុងនាមជាអគ្គលេខាធិការគណបក្សប្រជាជនម៉ុងហ្គោលី ក្នុងខែមករា ឆ្នាំ២០១០។

ប្រធានាធិបតីម៉ុងហ្គោលី លោក Ukhnaagiin Khurelsukh បានជួបជាមួយ ប្រធានរដ្ឋវៀតណាមលោក Vo Van Thuong ក្នុងពិធីឡើងគ្រងរាជ្យរបស់ព្រះមហា ក្សត្រអង់គ្លេស Charles ៣ នៅទីក្រុងឡុងដ៍នាខែឧសភាឆ្នាំនេះ និងអតីតប្រធានរដ្ឋ វៀតណាមលោក Nguyen Xuan Phuc នៅមហាសន្និបាតអង្គការសហប្រជាជាតិ នីតិកាលទី ៧៦ នាខែកញ្ញា ឆ្នាំ ២០២១។ លោកប្រធានាធិបតីគឺជាអ្នកដែលមាន សេចក្តីស្រឡាញ់ចំពោះវៀតណាម ដែលបានជំរុញយ៉ាងសកម្មនូវការបង្កើតក្របខ័ណ្ឌ ទំនាក់ទំនងថ្មីជាមួយវៀតណាមនៅពេលលោកកាន់តំណែងជាឧបនាយករដ្ឋមន្ត្រី និងជានាយករដ្ឋមន្ត្រីម៉ុងហ្គោលី។ ដំណើរទស្សនកិច្ចផ្លូវរដ្ឋនៅវៀតណាមរបស់ប្រធានាធិបតីម៉ុងហ្គោលី លោក Ukhnaagiin Khurelsukh និងលោកជំទាវនឹងបន្តពូនជ្រុំទំនាក់ ទំនងមិត្តភាព សាមគ្គីភាព និងកិច្ចសហប្រតិបត្តិការគ្រប់ជ្រុងជ្រោយរវាងវៀតណាមនិងម៉ុងហ្គោលី៕