រូបភាព៖ AFP/TTXVN |
ក្នុងពេលជាមួយគ្នានោះ ក្រសួងការពារជាតិហុងគ្រីបានប្រកាសថា នឹងដាក់ពង្រាយទាហានមួយចំនួននៅជិតព្រំដែនជាមួយអ៊ុយក្រែន ជាផ្នែកមួយដើម្បីត្រៀមខ្លួន អនុវត្តបេសកកម្មមនុស្សធម៌។
នៅថ្ងៃដដែលនេះ រដ្ឋមន្ត្រីការពារជាតិអាល្លឺម៉ង់លោកស្រី Christine Lambrecht បានប្រកាសថា ទីក្រុងប៊ែរឡាំង អាចនឹងបញ្ជូនកងទ័ពបន្ថែមទៀតទៅកាន់ប្រទេសលីទុយអានី ដែលជាសមាជិកនៃអង្គការសន្ធិសញ្ញាអាត្លង់ទិកខាងជើង (ណាតូ) បន្ទាប់ពីរុស្ស៊ីបានទទួលស្គាល់ជាផ្លូវការ នូវឯករាជ្យភាពនៃតំបន់ទាំងពីរនៅភាគខាងកើតប្រទេសអ៊ុយក្រែន។
ទន្ទឹមនឹងនេះ នាយករដ្ឋមន្ត្រីន័រវែស លោក Jonas Gahr Stoere បានបញ្ជាក់ថា ទីក្រុង Oslo នឹងជំរុញការធ្វើសមយុទ្ធ Cold Response របស់អង្គការណាតូនៅខែក្រោយ ដែលបានគ្រោងទុកតាំងពីយូរមកហើយ៕