សមាជិកការិយាល័យនយោបាយ ប្រធានរដ្ឋសភា លោក Vuong Dinh Hue អញ្ជើញដឹកនាំសម័យប្រជុំ។ (រូបថត៖ quochoi.vn) |
អញ្ជើញថ្លែងសុន្ទរកថាបើក ប្រធានរដ្ឋសភា លោក Vuong Dinh Hue បាន សង្កត់ធ្ងន់ថា ក្នុងសម័យប្រជុំពាក់កណ្តាលអាណត្តិលើកនេះ រដ្ឋសភានីតិកាលទី ១៥ នឹងពិចារណា និងសម្រេចលើបញ្ហាសំខាន់ៗជាច្រើនរបស់ប្រទេសជាតិ។ តាមនោះ រដ្ឋសភានឹងពិនិត្យលើរបាយការណ៍របស់រដ្ឋាភិបាលស្តីពីលទ្ធផលនៃការអនុវត្តផែនការអភិវឌ្ឍន៍សេដ្ឋកិច្ចសង្គម និងថវិការដ្ឋឆ្នាំ ២០២៣; ពិចារណា និងសម្រេចលើផែនការ អភិវឌ្ឍន៍សេដ្ឋកិច្ច-សង្គម គម្រោងថវិការដ្ឋ និងផែនការ
បែងចែកថវិកាមជ្ឈិមសម្រាប់ ឆ្នាំ២០២៤ ក្នុងនោះមានផែនការកែទម្រង់ប្រាក់បៀវត្សរ៍ចាប់ពីខែកក្កដា ឆ្នាំ២០២៤; ពិនិត្យរបាយការណ៍វាយតម្លៃពាក់កណ្តាលអាណត្តិ ស្តីពីលទ្ធផលអនុវត្តផែនការ ៥ ឆ្នាំ ដំណាក់កាល ២០២១ - ២០២៥ ស្តីពីការអភិវឌ្ឍសេដ្ឋកិច្ចសង្គម ការរៀបចំរចនាសម្ព័ន្ធ សេដ្ឋកិច្ចឡើងវិញ ការវិនិយោគសាធារណៈរយៈពេលមធ្យម ហិរញ្ញវត្ថុជាតិ បំណុល ជាតិ និងការសងបំណុលសាធារណៈ ជាដើម។ ទាក់ទងនឹងការងារនីតិបញ្ញត្តិ រដ្ឋសភា នឹងពិចារណាអនុម័ត
លើសេចក្តីព្រាងច្បាប់ចំនួន៩ រួមទាំងច្បាប់សំខាន់ៗដូចជា៖ ច្បាប់ ភូមិបាល (វិសោធនកម្ម); ច្បាប់លំនៅឋាន (វិសោធនកម្ម); ច្បាប់អាជីវកម្មអចលនទ្រព្យ (វិសោធនកម្ម); ច្បាប់ធនធានទឹក (វិសោធនកម្ម)…
ក្នុងសម័យប្រជុំលើកនេះ សកម្មភាពឃ្លាំមើលការសួរដេញដោលនិងឆ្លើយការ សួរដេញដោលនឹងប្រព្រឹត្តទៅរយៈពេល ២ ថ្ងៃកន្លះ។ រដ្ឋសភាក៏នឹងធ្វើការបោះឆ្នោត ទំនុកចិត្តសម្រាប់មុខតំណែងដែលត្រូវបានជ្រើសតាំងឬអនុម័តដោយរដ្ឋសភា។ ប្រធានរដ្ឋសភា លោក Vuong Dinh Hue បានអះអាងថា៖ “នេះជាវិធីសាស្ត្រឃ្លាំមើលដ៏សំខាន់មួយ ដែលបង្ហាញឱ្យឃើញពីការទទួល ស្គាល់ និងការវាយតម្លៃរបស់រដ្ឋសភាចំពោះការខិតខំប្រឹងប្រែង និងលទ្ធផលការងារ តាំងពីដើមអាណត្តិរហូតមកដល់ពេលនេះ របស់អ្នកដែលត្រូវបានបោះឆ្នោតទំនុក ចិត្ត។ ផ្អែកលើរបាយការណ៍របស់អ្នកដែលត្រូវបានបោះឆ្នោតទំនុកចិត្ត ដែលបានផ្ញើ ទៅកាន់សមាជិករដ្ឋសភាម្នាក់ៗ ការស្តាប់មតិរបស់អ្នកបោះឆ្នោត ពីតថភាពជាក់ស្ដែង នៃការតាមដាននិងឃ្លាំមើលរបស់ខ្លួន ខ្ញុំស្នើឲ្យសមាជិករដ្ឋសភាម្នាក់ៗ លើកកម្ពស់ ស្មារតីទទួលខុសត្រូវខ្ពស់ចំពោះប្រទេសជាតិ អង្គការ និងសកម្មភាពរបស់រដ្ឋសភា និងក្បាលម៉ាស៊ីនរដ្ឋ ដើម្បីវាយតម្លៃយ៉ាងស្មោះត្រង់ សត្យានុម័ត និងត្រឹមត្រូវ សម្រាប់ មុខតំណែងនីមួយៗ ដែលរដ្ឋសភាជ្រើសតាំង និងអនុម័ត”។
បន្ទាប់មក រដ្ឋសភាបានស្តាប់នាយករដ្ឋមន្រ្តីលោក Pham Minh Chinh បង្ហាញរបាយការណ៍ស្តីពីលទ្ធផលនៃការអនុវត្តផែនការអភិវឌ្ឍន៍សេដ្ឋកិច្ចសង្គមឆ្នាំ ២០២៣; គម្រោងផែនការអភិវឌ្ឍន៍សេដ្ឋកិច្ចសង្គមសម្រាប់ឆ្នាំ ២០២៤។ សម័យប្រជុំលើកទី៦ រដ្ឋសភានីតិកាលទី១៥ ចែកជា ២ វគ្គ (វគ្គទី ១ ចាប់ពីថ្ងៃ ទី២៣ ខែតុលា ដល់ថ្ងៃទី១០ ខែវិច្ឆិកា; វគ្គទី ២ ចាប់ពីថ្ងៃទី២០ ខែវិច្ឆិកា ដល់ថ្ងៃទី២៨ ខែវិច្ឆិកា)៕