ឧបនាយករដ្ឋមន្ត្រីប្រចាំការវៀតណាម លោក Pham Binh Minh

អញ្ជើញថ្លែងនៅក្នុងវេទិកានេះ ឧបនាយករដ្ឋមន្ត្រីប្រចាំការវៀតណាម លោក Pham Binh Minh បានអះអាងថា ក្នុងរយៈពេលច្រើនឆ្នាំកន្លងទៅ វៀតណាមបានរួមជាមួយបណ្ដាប្រទេសកំពុងអភិវឌ្ឍន៍ក្នុងនោះមានប្រទេសប្រើប្រាស់ភាសាបារាំងជាច្រើន និងបណ្ដាដៃគូអភិវឌ្ឍន៍អនុវត្តន៍កិច្ចសហប្រតិបត្តិការខាងត្បូង-ខាងត្បូង និងត្រីភាគីប្រកបដោយប្រសិទ្ធភាព ជាពិសេសគឺលើវិស័យកសិកម្ម ដោយបានបង្ហាញពីលក្ខណៈវិជ្ជមាន ក៏ដូចជាសក្តានុពលសហប្រតិបត្តិការ និងការវិនិយោគលើវិស័យនេះនាពេលខាងមុខ។ លើសពីនេះទៅទៀត ក្នុងនាមជាប្រទេសមួយក្នុងចំណោមប្រទេសដែលរងផលប៉ះពាល់យ៉ាងធ្ងន់ធ្ងរបំផុតដោយការប្រែប្រួលអាកាសធាតុ និងបាតុភូតអាកាសធាតុអាក្រក់នោះ វៀតណាមកំពុងធ្វើការផ្លាស់ប្តូរដ៏ខ្លាំងក្លាទៅជាទិសដៅអភិវឌ្ឍន៍សេដ្ឋកិច្ចបៃតង និងសេដ្ឋកិច្ចវិលជុំ។

ទិដ្ឋភាពនៃវេទិកាសេដ្ឋកិច្ចជាន់ខ្ពស់ Francophonie

ទន្ទឹមនឹងការឆ្លើយតបនឹងការប្រែប្រួលអាកាសធាតិ កំណើនបៃតង ការអភិវឌ្ឍ កសិកម្មទំនើប ប្រកបដោយតម្លាភាព មានការទទួលខុសត្រូវ និងនិរន្តរភាពនោះ ការផ្លាស់ប្តូរឌីជីថលគឺជានិន្នាការដ៏ធំមួយរបស់ពិភពលោក ហើយជាតម្រូវការសត្យានុម័ត ក៏ដូចជាអាទិភាពជួរមុខរបស់រដ្ឋាភិបាលវៀតណាមនាបច្ចុប្បន្ននេះផងដែរ។ វៀតណាមមានកម្មវិធីផ្លាស់ប្ដូរឌីជីថលជាតិដល់ឆ្នាំ ២០២៥ និងចក្ខុវិស័យដល់ឆ្នាំ ២០៣០ ជាមួយនឹងសសរស្តម្ភចំនួនបីអំពីសេដ្ឋកិច្ចឌីជីថល សង្គមឌីជីថល និងរដ្ឋាភិបាលឌីជីថល។

លោកឧបនាយករដ្ឋមន្ត្រីសង្ឈឹមថា តាមរយៈវេទិកាជាន់ខ្ពស់នេះសហគ្រាសបណ្ដាប្រទេសប្រើប្រាស់ភាសាបារាំងរួមជាមួយសហគ្រាសវៀតណាមទាញយកឱកាស ដើម្បីកសាងកិច្ចសហប្រតិបត្តិការ និងទំនាក់ទំនងភាពជាដៃគូរយៈពេលវែងប្រកបដោយ និរន្តរភាពផងដែរ៕