រូបភាព៖ Vietnam+

ក្នុងនោះ UOB បានរក្សាការព្យាករណ៍របស់ខ្លួនសម្រាប់កំណើន GDP របស់វៀតណាមក្នុងឆ្នាំ ២០២៣ នៅកម្រិត ៦,៦% ស្របតាមការព្យាករណ៍ផ្លូវការ គឺ ៦,៥%។

យោងតាម UOB កំណើន GDP របស់វៀតណាមក្នុងត្រីមាសទី ៤ ឆ្នាំ ២០២២ ត្រឹមតែស្ថិតក្នុងកម្រិត ៥,៩២% ដោយសារតែមានសញ្ញាធ្លាក់ចុះនៃតម្រូវការពីខាងក្រៅ។ នៅឆ្នាំ ២០២២ នេះ GDP របស់វៀតណាមបានកើនឡើង ៨,០២% ដែលជាកំណើនលឿនបំផុតក្នុងឆ្នាំ ចាប់តាំងពីឆ្នាំ ១៩៩៧មក។

អ្នកជំនាញ UOB ជឿជាក់ថា កំណើនដ៏រឹងមាំដែលសម្រេចបានក្នុងឆ្នាំ ២០២២ បង្ហាញពីភាពធន់ និងលទ្ធភាពស្តារឡើងវិញរបស់វៀតណាម បន្ទាប់ពីការខូចខាតដែលបណ្តាលមកពីជំងឺរាតត្បាតកូវីដ ១៩។ ទោះជាយ៉ាងណាក៏ដោយ សន្ទុះកំណើនសរុបទំនងជានឹងធ្លាក់ចុះនៅឆ្នាំ ២០២៣ ដោយសារការរឹតបន្តឹងគោលនយោបាយរូបិយវត្ថុពីធនាគារកណ្តាលសំខាន់ៗ ប៉ះពាល់ដល់តម្រូវការខាងក្រៅ។

ទាក់ទងនឹងអតិផរណា UOB ជឿជាក់ថា អត្រាអតិផរណាទំនងជានៅតែមានស្ថិរភាព ជាពិសេសនៅក្នុងឆមាសទីមួយនៃឆ្នាំ ២០២៣ ដោយសារតែធនាគាររដ្ឋត្រូវបានគេរំពឹងថា នឹងធ្វើឱ្យមានតុល្យភាពគោលនយោបាយរូបិយវត្ថុដើម្បីគាំទ្រកំណើនខណៈពេលដែលរក្សាស្ថិរភាពតម្លៃ និងធានាសុវត្ថិភាពនៃប្រតិបត្តិការធនាគារ៕