ប្រតិភូបានធ្វើពិធីកាត់ខ្សែបូសម្ពោធការិយាល័យ U2U នៅកម្ពុជា (រូបថត៖ Hoang Minh/TTXVN)

ថ្លែងនៅក្នុងព្រឹត្តិការណ៍នេះ លោក Tran Duc Vinh សហស្ថាបនិកនៃ Unicorn Ultra បានឲ្យដឹងថា នេះគឺជាព្រឹត្តិការណ៍ដ៏សំខាន់មួយ ដែលបង្ហាញពីវត្តមាន និងការប្តេជ្ញាចិត្តរបស់ U2U ចំពោះអតិថិជន និងដៃគូនៅក្នុងប្រទេសកម្ពុជា ក៏ដូចជាក្នុងតំបន់។ លោក Tran Duc Vinh បានលើកឡើងថា នាពេលខាងមុខ U2U នឹងបន្តខិតខំប្រឹងប្រែងនាំយកគំនិតច្នៃប្រឌិត ផលិតផល និងសេវាកម្មប្រកប ដោយគុណភាពនៅលើវេទិកាបច្ចេកវិទ្យា blockchain។

U2U ធ្វើការយោងទៅតាមគំរូ "Venture Builder" ដោយវិនិយោគលើការចាប់ផ្តើមបច្ចេកវិទ្យាដើម្បីរួមគ្នាអភិវឌ្ឍ និងទាញយកប្រយោជន៍ពីវេទិកា។ ជាមួយគ្នានេះ លោកបានសង្កត់ធ្ងន់ថា ចំណុចពិសេសនៃវេទិកាបច្ចេកវិទ្យា blockchain របស់ U2U គឺល្បឿនប្រតិបត្តិការលឿន ការចំណាយសមរម្យ សុវត្ថិភាពខ្ពស់ ភាពឆបគ្នាជាមួយ blockchain ទាំងអស់ និងការធ្វើមាត្រដ្ឋានគ្មានដែនកំណត់៕