កិច្ចសន្ទនារវាងរដ្ឋមន្ត្រីក្រសួងការពារជាតិចិន Wei Fenghe  និងរដ្ឋមន្ត្រីក្រសួងការពារជាតិអាមេរិក Lloyd Austin នៅទីក្រុងភ្នំពេញ ប្រទេសកម្ពុជា ថ្ងៃទី២២ ខែវិច្ឆិកា។ (រូបថត៖ Li Xiaowei/ Xinhua)

រដ្ឋមន្ត្រីការពារជាតិចិនក៏បានគូសបញ្ជាក់ផងដែរថា កងទ័ពចិនមានភាពក្លាហាន ទំនុកចិត្ត និងសមត្ថភាពក្នុងការការពារយ៉ាងរឹងមាំនូវឯកភាពរបស់ប្រទេសជាតិ។ ចិនបានយកចិត្តទុកដាក់យ៉ាងខ្លាំងចំពោះការអភិវឌ្ឍទំនាក់ទំនងរវាងប្រទេសទាំងពីរ និងកងទ័ពទាំងពីរ ប៉ុន្តែអាមេរិកត្រូវតែគោរពផលប្រយោជន៍ស្នូលរបស់ចិន ហើយទំនួលខុសត្រូវចំពោះស្ថានភាពបច្ចុប្បន្នក្នុងទំនាក់ទំនងចិន-អាមេរិក គឺអាស្រ័យលើអាមេរិក។ លោក Wei Fenghe សង្ឃឹមថា សហរដ្ឋអាមេរិកនឹងបំពេញតាមការសន្យារបស់ប្រមុខរដ្ឋនៃប្រទេសទាំងពីរ ដោយនាំទំនាក់ទំនងចិន-អាមេរិក វិលត្រឡប់មកតាមគន្លងត្រឹមត្រូវនៃការអភិវឌ្ឍប្រកបដោយសុខដុមរមនា និងស្ថិរភាព។

នៅក្នុងកិច្ចសន្ទនានេះ រដ្ឋមន្ត្រីការពារជាតិទាំងពីរក៏បានឯកភាពថា កងទ័ពនៃប្រទេសទាំងពីរគួរតែរក្សាការប្រាស្រ័យទាក់ទងគ្នា ពង្រឹងការគ្រប់គ្រង ហានិភ័យ ខិតខំប្រឹងប្រែងដើម្បីរក្សាសន្តិសុខ និងស្ថិរភាពក្នុងតំបន់៕