ថ្លែងមតិក្នុងសន្និសីទនេះ លោក Pham Tan Cong ប្រធានសភាពាណិជ្ជកម្ម និងឧស្សាហកម្មវៀតណាម (VCCI) បានឲ្យដឹងថា វិស័យសេដ្ឋកិច្ចឯកជន រួមជាមួយនឹងសហគ្រាសរដ្ឋ សហគ្រាសមានទុនវិនិយោគបរទេស(FDI) និងសហករណ៍នានា បានបង្កើតជាកម្លាំងដ៏ធំធេងដើម្បីជំរុញការអភិវឌ្ឍសេដ្ឋកិច្ចរបស់វៀតណាម។

ប្រធាន VCCI លោក Pham Tan Cong។ រូបថត៖ VOV

បច្ចុប្បន្ន មាត្រដ្ឋាន GDP របស់វៀតណាមស្ថិតក្នុង Top ៤០ នៃពិភពលោក ទំហំពាណិជ្ជកម្មអន្តរជាតិស្ថិតក្នុង Top ២០ របស់ពិភពលោក ផលិតផលវៀតណាមមានមោទនភាពចេញទៅទីផ្សារពិភពលោក ទៅកាន់គ្រប់ទ្វីបទាំងអស់ ហើយទន្ទឹមនឹងនោះ ក៏បានបំពេញតម្រូវការក្នុងស្រុកបានល្អផងដែរ។ ប្រធាន VCCI លោក Pham Tan Cong បានសង្កត់ធ្ងន់ថា៖ “សហគ្រាសគឺជាកម្លាំងដ៏សំខាន់ក្នុងការសាងសង់សេដ្ឋកិច្ច ហើយសហគ្រិនគឺជាកម្លាំងស្នូលដែលកាន់តួនាទីជាអ្នកដឹកនាំ ការគ្រប់គ្រង និងប្រតិបត្តិក្រុមធុរកិច្ចរបស់ប្រទេសជាតិ។ ជាមួយនឹងចំនួនធុរកិច្ចនាបច្ចុប្បន្ន ចំនួនសហគ្រិន និងអ្នកដឹកនាំអាជីវកម្មបានឈានដល់ចំនួន ២-៣លាននាក់។ ប្រសិនបើយើងរាប់អ្នកជំនួញទាំងអស់ និងគ្រួសារអាជីវកម្មនីមួយៗ ចំនួនសហគ្រិនទូទាំងប្រទេសអាចឈានដល់ប្រមាណ ១០លាននាក់។ នេះគឺជាធនធានមនុស្សពិសេសរបស់ប្រទេសជាតិ ដើរតួនាទីយ៉ាងសំខាន់ក្នុងការអនុវត្តឧស្សាហូបនីយកម្ម ទំនើបកម្ម កសាងសេដ្ឋកិច្ចឯករាជ្យ ខ្លួនទីពឹងខ្លួន និងសមាហរណកម្មរបស់វៀតណាមក្នុងយុគសម័យថ្មី”៕