ថ្លែងទៅកាន់អ្នកប្រាជ្ញអ៊ីស្លាមនៅទីក្រុងអ៊ីស្តង់ប៊ុលកាលពីថ្ងៃទី ១២ ខែឧសភា ប្រធានាធិបតីទួរគី លោក Recep Tayyip Erdogan បានចោទប្រកាន់រដ្ឋាភិបាលអ៊ីស្រាអែលនិងលោកនាយករដ្ឋមន្ត្រី Netanyahu ថា មិនមានបំណងចង់បញ្ឈប់ជម្លោះ នៅពេលដែលបានបដិសេធ មិនទទួលយកការយល់ព្រមពីកងកម្លាំងហាម៉ាសចំពោះសំណើបទឈប់បាញ់របស់អេហ្ស៊ីបនិងកាតា ហើយបានបើកការវាយប្រហារលើជនស៊ីវិលប៉ាឡេស្ទីនស្លូតត្រង់នៅក្នុងទីក្រុង Rafah ភាគខាងត្បូងតំបន់ហ្គាហ្សា។ ប្រធានាធិបតីទួរគីក៏បានរិះគន់សហរដ្ឋអាមេរិក និងអឺរ៉ុបថា មិនមានអំពើខ្លាំងគ្រប់គ្រាន់ដើម្បីដាក់សម្ពាធលើអ៊ីស្រាអែលឱ្យទទួលយកកិច្ចព្រមព្រៀងបទឈប់បាញ់។

រថយន្តដឹកជំនួយឆ្លងកាត់ច្រកព្រំដែន Kerem Shalom ចូលក្នុងតំបន់ហ្គាហ្សា នៅថ្ងៃទី ១៥ ខែមេសា ឆ្នាំ ២០២៤។ រូបថត៖ AFP/TTXVN

នាថ្ងៃដដែលនោះ អេហ្ស៊ីបបានប្រកាសនឹងចូលរួមនៅក្នុងបណ្តឹងប្រឆាំងនឹងអ៊ីស្រាអែលពីបទប្រព្រឹត្តអំពើប្រល័យពូជសាសន៍នៅតុលាការយុត្តិធម៌អន្តរជាតិ (ICJ) ក្នុងបរិបទនៃការបង្កើនការវាយប្រហាររបស់អ៊ីស្រាអែលលើតំបន់ហ្គាហ្សា។ សេចក្តីប្រកាសខាងលើក៏បានអំពាវនាវឱ្យអ៊ីស្រាអែលគោរពតាមការសន្យាអន្តរជាតិ ដោយធានាថា ជំនួយត្រូវបានប្រគល់ជូនអ្នកដែលត្រូវការជំនួយ ហើយកងកម្លាំងអ៊ីស្រាអែលមិនប្រព្រឹត្តការបំពានណាមួយប្រឆាំងនឹងប៉ាឡេស្ទីនឡើយ៕