អគារមួយត្រូវបានបំផ្លាញបន្ទាប់ពីការវាយប្រហារផ្លូវអាកាសរបស់អ៊ីស្រាអែលលើទីក្រុង Rafah តំបន់ហ្គាហ្សា កាលពីថ្ងៃទី ១២ ខែកុម្ភៈ ឆ្នាំ ២០២៤។ រូបថត៖ THX/TTXVN

នាថ្ងៃដដែលនោះ នាយករដ្ឋមន្ត្រីអ៊ីស្រាអែល លោក Benjamin Netanyahu បានប្រកាសថា ប្រទេសនេះនឹងបន្តវាយប្រហារលើកងកម្លាំងហាម៉ាសនៅទីក្រុង Rafah ដែលជាជម្រកចុងក្រោយរបស់ជនប៉ាឡេស្ទីននៅភាគខាងត្បូង តំបន់ហ្គាហ្សា បន្ទាប់ពីអនុញ្ញាតឱ្យជនស៊ីវិលចាកចេញពីតំបន់នោះ។ ទោះជាយ៉ាងណាក៏ដោយ មេដឹកនាំអ៊ីស្រាអែលមិនបានបញ្ជាក់ពីពេលវេលានៃការវាយប្រហារបោះទេ ។  ក្នុងពេលជាមួយគ្នានោះ ថ្លែងទៅកាន់អ្នកសារព័ត៌មាននៅទីក្រុងហ្សេរុយសាឡឹម ក្នុងដំណើរទស្សនកិច្ចនៅអ៊ីស្រាអែល នាថ្ងៃដដែលនោះ រដ្ឋមន្ត្រីការបរទេសអាល្លឺម៉ង់ លោកស្រី Annalena Baerbock បានឲ្យដឹងថា ការវាយប្រហារលើទីក្រុង Rafah ដែលមានមនុស្ស ១,៣ លាននាក់កំពុងស្វែងរកទីជ្រកកោន នឹងក្លាយជាសោកនាដកម្មមនុស្សធម៌។