មុននោះ អាជ្ញាធរសុខាភិបាលប៉ាឡេស្ទីន បានបញ្ជាក់ថា ចំនួនអ្នកស្លាប់និងរងរបួសសរុបនៅក្នុងយុទ្ធនាការផ្លូវអាកាសអូសបន្លាយរបស់កងទ័ពអ៊ីស្រាអែល លើតំបន់ហ្គាហ្សា ចាប់តាំងពីថ្ងៃទី៧ ខែតុលា បានកើនដល់ជាង ១.១០០នាក់ស្លាប់ និងនិងជាង ៥.០០០នាក់រងរបួស ដែលភាគច្រើនជាជនស៊ីវិល។
 អ៊ីស្រាអែលវាយលុកតំបន់ហ្គាហ្សា ជាការសងសឹកក្រុមហាម៉ាស។ រូបថត៖ AP |
ជាការឆ្លើយតប កងពលតូច al-Qassam របស់ក្រុមហាម៉ាស បានធ្វើការបាញ់បង្ហោះគ្រាប់រ៉ុក្កែតរាប់សិបគ្រាប់ទៀត សំដៅទៅលើទីក្រុងជាច្រើនក្នុងប្រទេសអ៊ីស្រាអែល តាំងពីពេលព្រឹករហូតដល់យប់មិញ។ ទូរទស្សន៍ Aljazeera បានបញ្ជាក់ថា ការវាយប្រហារបណ្តាលឱ្យស៊ីរ៉ែនបន្លឺសំឡេងជាច្រើនដងនៅក្នុងទីក្រុង Tel Aviv, Haifa, Ashkelon, Zekim, Asdoud និងតំបន់ជាច្រើនទៀត។ ទោះជាយ៉ាងណាមិនទាន់មានរបាយការណ៍ពីចំនួនអ្នកស្លាប់និងរងរបួសក្នុងការវាយប្រហាររបស់ក្រុមហាម៉ាសនោះទេ។ អាជ្ញាធរអ៊ីស្រាអែលកាលពីព្រឹកថ្ងៃទី១១ តុលាបានបញ្ជាក់ថា ក្នុងការវាយប្រហារដ៏ធំរបស់ក្រុមហាម៉ាសនៅភាគខាងត្បូងនៃប្រទេសនេះនៅព្រឹកថ្ងៃទី៧ ខែតុលា មានអ្នកស្លាប់រហូតដល់ ១.២០០នាក់ និង២.៩០០នាក់ផ្សេងទៀតរងរបួស។
ក្នុងពេលជាមួយគ្នានោះ នៅតំបន់ព្រំដែនភាគខាងជើងនៃប្រទេសអ៊ីស្រាអែល មានការវាយប្រហារពីភាគខាងត្បូងប្រទេសលីបង់ និងភាគខាងកើតប្រទេសស៊ីរីក្នុងពេលដំណាលគ្នា។ កងទ័ពអ៊ីស្រាអែលបានប្រកាសពីការឆ្លើយតបយ៉ាងខ្លាំង ចំពោះការវាយប្រហារទាំងនេះ៕