ជនរងគ្រោះដែលរងរបួសពីជម្លោះនៅតំបន់ហ្គាហ្សា ត្រូវបានបញ្ជូនទៅមន្ទីរពេទ្យនៅ Khan Younis នៅថ្ងៃទី ៥ ខែមករា ឆ្នាំ ២០២៤។ រូបថត៖ THX/TTXVN |
ថ្លែងក្នុងសន្និសីទសារព័ត៌មានតាមប្រព័ន្ធអ៊ីនធឺណែតពីទីក្រុងហ្សឺណែវ (ស្វីស) អ្នកសម្របសម្រួលនៃក្រុមសង្គ្រោះបន្ទាន់របស់អង្គការសុខភាពពិភពលោក WHO លោក Sean Casey បានសង្កត់ធ្ងន់ថា ស្ថានភាពពិតជាគួរឱ្យព្រួយបារម្ភនៅជុំវិញមន្ទីរពេទ្យជាច្រើន។ អរិភាពបន្តកើនឡើងពីមួយថ្ងៃទៅមួយថ្ងៃ នៅតំបន់ក្បែរមន្ទីរពេទ្យ European Gaza ក្នុងទីក្រុង Khan Younis។ អាជ្ញាធរមូលដ្ឋានបានឲ្យដឹងថា ប្រព័ន្ធសុខាភិបាលនៅទីនេះកំពុងដួលរលំយ៉ាងឆាប់រហ័ស។ លោក Sean Casey បានបន្ថែមថា អ្នកជំងឺប្រហែល ៦០០ នាក់ត្រូវជម្លៀសចេញពីមូលដ្ឋានសុខាភិបាល។
កាលពីថ្ងៃទី ៩ ខែមករា អាជ្ញាធរសុខាភិបាលនៅតំបន់ហ្គាហ្សាបានប្រកាសអំពីតួរលេខថ្មីដែលបង្ហាញថា ជនជាតិប៉ាឡេស្ទីនសរុបចំនួន ២៣.២១០ នាក់បានស្លាប់ និង ៥៩.១៦៧នាក់រងរបួសនៅក្នុងការវាយប្រហាររបស់អ៊ីស្រាអែលលើតំបន់ហ្គាហ្សា ចាប់តាំងពីថ្ងៃទី ៧ ខែតុលាឆ្នាំមុន បន្ទាប់ពីការវាយប្រហារដ៏គួរឱ្យភ្ញាក់ផ្អើលមួយដោយក្រុមហាម៉ាសនៅលើទឹកដីអ៊ីស្រាអែល៕