ក្រសួងការពារជាតិឡាវរៀបចំកិច្ចពិភាក្សាស្តីពីជ័យជំនះ Dien Bien Phu

Chia sẻ
(VOVWORLD) - នាថ្ងៃទី ៩ ឧសភា នៅរដ្ឋធានីវៀងចន្ទន៍ (ប្រទេសឡាវ) ក្រសួងការពារជាតិឡាវបានបើកកិច្ចពិភាក្សាស្តីពី៖ “អត្ថន័យសំខាន់នៃជ័យជំនះ Dien Bien Phu (១៩៥៤) សម្រាប់ចំណងសាមគ្គីភាព និងសម្ព័ន្ធមិត្តប្រយុទ្ធពិសេសវៀតណាម-ឡាវ”។

នៅក្នុងពិធីនេះ កម្មាភិបាល យុទ្ធជននិងអតីតយុទ្ធជនឡាវជិត ៤០០នាក់បានស្តាប់ឯកអគ្គរដ្ឋទូតវៀតណាមប្រចាំនៅឡាវ លោក Nguyen Ba Hung សង្ខេបសមរភូមិលេចធ្លោមួយចំនួនរបស់សម្ព័ន្ធមិត្តប្រយុទ្ធវៀតណាម-ឡាវក្នុងសម័យសង្គ្រាម ទាំងកម្រិតយុទ្ធវិធី និងយុទ្ធសាស្ត្រ   ទន្ទឹមនឹងការរំលេចនូវតម្លៃប្រវត្តិសាស្ត្រដ៏ធំធេង និងឋានៈនៃជ័យជំនះ Dien Bien Phu ក្នុងការដណ្តើមឯករាជ្យជាតិសម្រាប់វៀតណាម។

ក្រសួងការពារជាតិឡាវរៀបចំកិច្ចពិភាក្សាស្តីពីជ័យជំនះ Dien Bien Phu - ảnh 1ឯកអគ្គរដ្ឋទូតវិសាមញ្ញ និងពេញសមត្ថភាពវៀតណាមប្រចាំនៅឡាវ លោក Nguyen Ba Hung។ រូបថត៖ VOV

ឯកអគ្គរដ្ឋទូត Nguyen Ba Hung ក៏បានសង្កត់ធ្ងន់លើអត្ថន័យ និងសារៈសំខាន់នៃជ័យជំនះ Dien Bien Phu ចំពោះបដិវត្តន៍ឡាវ និងទំនាក់ទំនងឡាវ-វៀតណាម។ លោកឯកអគ្គរដ្ឋទូតបានអះអាងថា ជ័យជំនះ Dien Bien Phu បានបង្ហាញពីតម្លៃដ៏ធំធេងនៃសាមគ្គីភាព និងសម្ព័ន្ធមិត្តប្រយុទ្ធវៀតណាម - ឡាវ ហើយជាសក្ខីភាពសម្រាប់ពិភពលោកទាំងមូលអំពីទំនាក់ទំនងពិសេស និងសាមគ្គីភាពរវាងវៀតណាម និងឡាវ៕

ប្រតិកម្មទៅវិញ