ឆ្លើយតបទៅនឹងការអំពាវនាវរបស់លោកនាយករដ្ឋមន្រ្តីក្នុងការនាំវ៉ាក់សាំងបង្ការកូវីដ ១៩ ដល់ប្រជាជនគ្រប់គ្នា ក្រុមបាល់ទាត់បុរសជម្រើសជាតិ ដែលកំពុងប្រកួតប្រជែងវគ្គជម្រុះជុំទី ២ នៃព្រឹត្តិការណ៍បាល់ទាត់ពិភពលោក ឆ្នាំ ២០២២ (World Cup 2022) ទ្វីបអាស៊ីនៅប្រទេសអេមីរ៉ាតអារ៉ាប់រួម បានឧបត្ថម្ភថវិកាចំនួន ៣០០ លានដុងចូលមូលនិធិវ៉ាក់សាំងបង្ការកូវីដ ១៩។
គ្រូបង្វឹក Park Park-seo បានថ្លែងអំណរគុណដល់ថ្នាក់ដឹកនាំបក្ស រដ្ឋ រដ្ឋាភិបាលនិងអ្នកគាំទ្រវៀតណាមមួយចំនួនធំ ដែលតែងតែផ្តល់ឱ្យក្រុមបាល់ទាត់បុរសជម្រើសជាតិនូវមនោសញ្ជេតនា ការលើកទឹកចិត្តខាងស្មារតី ដើម្បីក្រុមជម្រើសជាតិជំនះការលំបាកនិងឧបសគ្គ។
ក្នុងរយៈពេលកន្លងមក ជ័យជំនះនីមួយៗ របស់ក្រុម សុទ្ធតែបង្កប់ជាមួយស្មារតីរបស់ វៀតណាម នោះជាសាមគ្គីភាព ភាពអត់ធ្មត់ ការប្តេជ្ញាចិត្តនិងវិន័យ ការសម្រេចបានគោលដៅដែលបានដាក់ចេញ។ គ្រូបង្វឹកលោក Park Park-seo ជឿជាក់ថា ស្មារតីសាមគ្គីភាពរបស់វៀតណាមនឹងត្រូវបានលើកកម្ពស់ក្នុងការប្រយុទ្ធប្រឆាំងនឹងជំងឺរាតត្បាតកូវីដ ១៩ ដើម្បីបន្តបង្កើតឡើងជ័យជម្នះវៀតណាម៕