នេះជាសកម្មភាពយុទ្ធនាការលើកដំបូងរបស់លោកស្រី Kamala Harris  និងលោក Tim Walz duo បន្ទាប់ពីលោកស្រី Harris បានប្រកាសជាផ្លូវការជ្រើសរើសលោក Tim Walz ជាដៃគូ នៅថ្ងៃទី ៦ សីហា។

អភិបាលរដ្ឋមីនីសូតា លោក Tim Walz និងអនុប្រធានាធិបតីអាមេរិក លោកស្រី Kamala Harris ។ រូបថត៖ AFP/GETTY

ថ្លែងក្នុងការបើកយុទ្ធនាការនៅចំពោះមុខហ្វូងមនុស្សជាង ១ម៉ឺន នាក់នៅសាកលវិទ្យាល័យ Temple ក្នុងទីក្រុង Philadelphia លោកស្រី Harris បានសរសើរគុណសម្បត្ដិភាពជាអ្នកដឹកនាំរបស់លោក Tim Walz ដែលជាអតីតសមាជិកនៃឆ្មាំជាតិអាមេរិក និងជាអតីតគ្រូបង្រៀន។

 “ចាប់ពីថ្ងៃដែលខ្ញុំបានប្រកាសបេក្ខភាពប្រធានាធិបតីមក ខ្ញុំបានកំណត់ស្វែងរកដៃគូដែលអាចជួយកសាងអនាគតដ៏ត្រចះត្រចង់ ដែលជាអ្នកដឹកនាំដែលអាចបង្រួបបង្រួមជាតិរបស់យើង និងជំរុញយើងឆ្ពោះទៅមុខ ជាអ្នកតស៊ូសម្រាប់វណ្ណៈកណ្តាល អ្នកស្នេហាជាតិ ជឿ ដូចដែលខ្ញុំធ្វើ នៅក្នុងការសន្យាដ៏អស្ចារ្យរបស់អាមេរិក។ ថ្ងៃនេះ ខ្ញុំបានរកឃើញអ្នកដឹកនាំបែបនេះ៖ អភិបាល Tim Walz នៃរដ្ឋ Minnesota”។

បន្ទាប់ពីទីក្រុង Philadelphia លោកស្រី Harris និងលោក Walz គ្រោងនឹងធ្វើដំណើរ យុទ្ធនាការមួយនៅក្នុងទីក្រុងជាច្រើននៅក្នុងរដ្ឋផ្សេងទៀត រួមមានៈ Wisconsin រដ្ឋ Arizona និងរដ្ឋ Nevada៕