លោក Tran Thanh Hai អនុប្រធាននាយកដ្ឋាននាំចូល-នាំចេញ ក្រសួងឧស្សាហកម្ម និងពាណិជ្ជកម្ម បានឲ្យដឹងថា៖ “បច្ចុប្បន្ននេះ ការរួមចំណែកដ៏ធំបំផុតនៅតែជាក្រុមនៃផលិតផលឧស្សាហកម្មកែច្នៃ ជាពិសេសផលិតផលអេឡិចត្រូនិក និងទូរសព្ទ។ ក្រុមទំនិញផ្សេងទៀតដូចជា វាយនភ័ណ្ឌ ស្បែក និងស្បែកជើង នៅតែមានកំណើនល្អគួរសម។ ក្រុមដូចជាផលិតផលកសិកម្ម ជាពិសេសស្រូវអង្ក និងកាហ្វេមានកម្រិតនាំចេញកំណត់ត្រា”។

វិស័យនាំចេញដ៏គួរឱ្យចាប់អារម្មណ៍ក្នុងឆ្នាំនេះរួមមានជលផល ដោយវិស័យនេះកំណត់គោលដៅចំនួន ១០ ពាន់លានដុល្លារអាមេរិក ប៉ុន្តែឆ្លងកាត់តែ ១១ ខែនៃឆ្នាំ ២០២២ ប៉ុណ្ណោះ បានសម្រចគោលដៅដាក់ចេញ។ តាមគម្រោង ការនាំចេញជលផលនឹងឈានដល់កម្រិតប្រវត្តិសាស្ត្រប្រហែល ១១,២ ពាន់លានដុល្លារ។  អគ្គនាយកដ្ឋានគយ និងក្រសួងឧស្សាហកម្ម និងពាណិជ្ជកម្មបានព្យាករណ៍ថា ជាមួយនឹងចំណូលជាមធ្យមជាង ៦១ ពាន់លានដុល្លារក្នុងមួយខែ រំពឹងថានៅពាក់កណ្តាលខែធ្នូ ចំណូលនាំចូល និងនាំចេញរបស់វៀតណាមនឹងឈានដល់កំណត់ត្រាថ្មីចំនួន ៧០០ ពាន់លានដុល្លារ ហើយពេញមួយឆ្នាំនឹងសម្រេចបាន ៧៣០ ពាន់លានដុល្លារអាមេរិក៕