ថ្លែងមតិបន្ទាប់ពីសន្និសីទកាសែតនៅ Belfast ប្រធាន DUP លោក Arlene Foster បានឲ្យដឹងថា គណៈបក្សនេះខកចិត្តយ៉ាងខ្លាំងចំពោះលទ្ធផលនៃកិច្ចចរចារ នេះ ប៉ុន្តែនៅរំពឹងទុកថា ភាគីទាំងពីរនឹងទទួលបានភាពចុះសម្រុងគ្នាក្នុងឆ្នាំ២០១៧ នេះ។ ក្នុងពេលជាមួយគ្នានោះ ឆ្លើយសំភាសន៍អ្នកយកព័ត៌មាន មេដឹកនាំគណៈបក្ស Sinn Fein លោកស្រី Michelle O’Neill  បានរិះគន់កិច្ចព្រមព្រៀងសម្ព័ន្ធភាពរវាងគណៈបក្សអភិរក្សកាន់ អំណាចរបស់នាយករដ្ឋមន្ត្រីអង់គ្លេស លោកស្រី Theresa May និង DUP នៅសភា ជាន់ទាបចក្រភពអង់គ្លេសដែលជះឥទ្ធិពលទៅលើតួនាទីរបស់ភាគីនីមួយៗលើតុ ចរចារ ហើយនាំមកលទ្ធផលដូចពោលខាងលើ។ រីឯរដ្ឋមន្ត្រីទទួលបន្ទុកអៀរឡង់ ខាងជើង លោក James Brokenshire បានឲ្យដឹងថា ទោះបីជាទទួលបានការវិវឌ្ឍន៍ ក្នុងដំណើរការចរចារក៏ដោយ ប៉ុន្តែភាគីទាំងពីរនៅមិនដោះស្រាយបានជម្លោះនៅឡើយ៕