រោងចក្រថាមពលនុយក្លេអ៊ែរ Zaporizhzhia នៅភាគអាគ្នេយ៍ប្រទេសអ៊ុយក្រែន។ (រូបថត៖ Alexander Ermochenko/Reuters) |
យោងតាមលោក Grossi ក្រុមអធិការរបស់ IAEA នឹងបញ្ចប់សកម្មភាពត្រួតពិនិត្យក្នុងពេលឆាប់ៗនេះ ហើយនឹងធ្វើការសន្និដ្ឋានជាលើកដំបូងនៅចុងសប្តាហ៍នេះ។
ការត្រួតពិនិត្យនេះ ត្រូវបានធ្វើឡើងបន្ទាប់ពីអ៊ុយក្រែនបានផ្ញើសំណើជាលាយលក្ខណ៍អក្សរទៅកាន់ IAEA ដោយស្នើឱ្យអង្គការឃ្លាំមើលនុយក្លេអ៊ែររបស់អង្គការសហប្រជាជាតិ ធ្វើការត្រួតពិនិត្យនៅទីតាំងនុយក្លេអ៊ែរចំនួនពីររបស់ទីក្រុងគៀវ ដើម្បីបំភ្លឺអំពីការព្រួយបារម្ភរបស់រុស្ស៊ីដែលថា អ៊ុយក្រែនកំពុងដំឡើង "គ្រាប់បែកកខ្វក់" ។
ចំពោះកាយវិការរបស់ IAEA នេះ អ្នកនាំពាក្យវិមានក្រឹមឡាំង លោក Dmitry Peskov បានប្រកាសថា ការដែលក្រុមអធិការ IAEA ទៅទស្សនានិងត្រួតពិនិត្យរោងចក្រថាមពលនុយក្លេអ៊ែរ Zapozhiazhia គឺចាំបាច់ណាស់ ហើយថារុស្ស៊ីបានត្រៀមខ្លួនជាស្រេចដើម្បីសហប្រតិបត្តិការជាមួយគណៈប្រតិភូ IAEA។ លោក Peskov ក៏បានសង្កត់ធ្ងន់លើការកាត់បន្ថយភាពតានតឹងផ្នែកយោធានៅរោងចក្រថាមពល នុយក្លេអ៊ែរ Zapozhazhia ដើម្បីសុវត្ថិភាពនៃទ្វីបអឺរ៉ុបទាំងមូលផងដែរ៕