 ប្រជាជនពាក់ម៉ាសដើម្បីការពារការឆ្លង COVID-19 នៅទីក្រុងញូវយ៉ក សហរដ្ឋអាមេរិក នាថ្ងៃទី ៧ ខែមីនាឆ្នាំ ២០២០ (រូបថត៖ THX / TTXVN) |
ក្នុងបរិបទដែល ជំងឺឆ្លង COVID-19 កំពុងបន្តរីករាលដាលពាសពេញពិភពលោកនោះ មូល និធិរូបិយវត្ថុអន្តរជាតិ (IMF) បានអំពាវនាវអោយសហគមន៍អន្តរជាតិសម្របសម្រួលសកម្ម ភាព ព្រមទាំងបានបញ្ជាក់ថា កិច្ចសហប្រតិបត្តិការអន្តរជាតិគឺចាំបាច់ណាស់សម្រាប់ទប់ទល់ប្រកបដោយប្រសិទ្ធភាពជាមួយជំងឺរាតត្បាត។
នៅក្នុងព្រឹត្តិការណ៍មួយផ្សេងទៀត នាយប់ថ្ងៃទី ១២ ខែមីនា អធិការបតីអាល្លឺម៉ង់ លោកស្រី Angela Merkel បានកោះហៅធ្វើកិច្ចប្រជុំបន្ទាន់មួយ ជាមួយប្រមុខរដ្ឋនានា ដើម្បីរកវិធានការប្រយុទ្ធប្រឆាំងនឹងជំងឺឆ្លង COVID-19 ដែលក្នុងនោះ មេដឹកនាំអាល្លឺម៉ង់រូបនេះ បានគូសបញ្ជាក់នូវគោលដៅចំនួនពីរគឺ ទប់ស្កាត់ការឆ្លងរាលដាលនៃវីរុស SARS-CoV-2 និងការពារសេដ្ឋកិច្ចធំបំផុតរបស់អឺរ៉ុបនេះ។
ក្នុងពេលជាមួយគ្នានោះ ក្នុងការប្រជុំវិសាមញ្ញនាថ្ងៃទី ១២ ខែមីនា រដ្ឋាភិបាល Lativa បានសម្រេចចិត្តប្រកាសស្ថានភាពអាសន្នថ្នាក់ជាតិ ចាប់ពីថ្ងៃទី ១៣ ខែមីនា ដល់ថ្ងៃទី ១៤ ខែមេសា ក្នុងកិច្ចប្រឹងប្រែងមួយដើម្បីទប់ស្កាត់ការរីករាលដាលនៃជំងឺឆ្លង COVID-19។
នាយករដ្ឋមន្រ្តីព័រទុយហ្កាល់ លោក Antonio Costa បានប្រកាសកាលពីថ្ងៃទី ១២ ខែមីនាថា ប្រទេសខ្លួននឹងបិទសាលាទាំងអស់ ចាប់ពីថ្ងៃច័ន្ទនាសប្តាហ៍ខាងមុខ រហូតទៅដល់ពិធីបុណ្យអ៊ីស្ទើរ(បុណ្យ Easter) ដើម្បីការពារការរីករាលដាលនៃ COVID-19។
នាថ្ងៃទី ១២ ខែមីនា (តាមម៉ោងតំបន់) អភិបាលក្រុងញូវយ៉ក លោក Bill de Blasio បានប្រកាសស្ថានភាពអាសន្ន ដើម្បីទប់ទល់នឹង COVID-19)។ ចំនួនករណីដែលបានកត់សម្កាល់ ថាឆ្លងជំងឺនៅក្នុងទីក្រុងនេះ បានឈានដល់ ៩៥ ករណីមកហើយ៕