 |
| បុណ្យតេត Xip Xi ត្រូវបានរៀបចំតាមគ្រួសារនីមួយៗ (VOV) |
Vovworld-ជារៀងរាល់ឆ្នាំ អោយតែដល់ថ្ងៃទី ១៤ និង ១៥ ខែ ៧ តាមច័ន្ទគតិ
ជនជាតិថៃនៅខេត្ត ឡាយចូវ ក៏ចាប់ផ្ដើមប្រារព្ធពិធីបុណ្យ ស៊ីបស៊ី។ ពួកគាត់មាន
ទស្សនាទានថា ថ្ងៃបុណ្យស៊ីបស៊ី គឺដើម្បីរំឭកគុណចំពោះជីដូនជីតាបុព្វការីជន ក្រុម
គ្រួសារបន់ស្រន់សុំសេចក្តីសុខ សុខភាពបរិបូរ សុំអោយដំណាំដាំដុះអំណោយផល
ភ័ព្វសំណាងនឹងចូលមកដល់។
ព្រលឹមថ្ងៃទី ១៤ កូនចៅទោះបីនៅទីឆ្ងាយក្តីក៏ខិតខំមកផ្ទះដើម្បីជួបជុំក្រុមគ្រួសារ។
ថាសគ្រឿងសំណែន ដាក់នៅលើហ៊ឹងសក្ការៈដូនតាខាងឪពុកមានស្លា ម្លូ ស្រា
ធូបពណ៌មាស បាយដំណើប នំយ៉ី មាន់ស្ងោរជាដើម។
 |
| ក្រុមគ្រួសារបត់ កាត់សម្លៀកបំពាក់ក្រដាសដើម្បីសែនឧទ្ទិសដូនតា)រូបថត អិនធឺណែត) |
ក្រៅពីថាសគ្រឿងសំណែនសែនដូនតា គ្រួសារក៏រៀបចំមួយថាសទៀតសំរាប់សែនម្ចាស់ទឹកម្ចាស់ដីនិងមួយថាស សម្រាប់ “ខ្មោចនៅតាមផ្លូវ”។ នៅក្នុងពិធីបុណ្យស៊ីបស៊ី កូនចៅទាំងខាងឪពុកទាំងខាងម្តាយជិតឆ្ងាយសុទ្ធតែមាន ជំនូនយកមកជូនឪពុកម្តាយ ជីដូនជីតា សំដែងសន្តានចិត្តចំពោះគុណូប ការៈដែលលោកបានបីបាច់ ថែរក្សា។
 |
| ព្រឹកព្រលឹម ស្រ្តីដាំបាយដំណើបពណ៌សែនឧទ្ទិសដូនតា)រូបថត អិនធឺណែត៌) |
“ខ្ញុំចូលចិត្តបុណ្យតេត Xip Xi។ ពីព្រោះថាក្នុងបុណ្យតេតខ្ញុំបាន
ទិញខោអាវថ្មីនិងថែមទាំងបានទៅលេងកំសាន្តល្បែងប្រជាប្រិយទៀតផង។”
នេះជាចំណាប់អារម្មណ៍របស់ប្អូន Dieu Thi Tuyen នៅឃុំ Muong Giang ស្រុក
Quynh Nhai ខេត្ត Son La អំពីបុណ្យតេត Xip Xi។ បុណ្យតេតធំបំផុតរបស់ជនជាតិ
Thai សនៅ Son La និងដំបន់ពាយ័ព្យ។ Xip Xi ភាសា Thai មានន័យថា ទី១៤។
បុណ្យតេត Xip Xi របស់ជនជាតិ Thai ស ត្រូវបានរៀបចំឡើងនៅថ្ងៃទី១៤ខែទី៧
តាមច័ន្ទកតិ។ តាមទស្សនាទានរបស់ជនជាតិ Thai សនោះ បុណ្យតេត Xip Xi ជាទិវាដែលកូនចៅឆ្ពោះទៅជីដូនជីតាទន្ទឹមនឹងនោះជាឱកាសដើម្បីជនចាស់ជរា
លៃទុកការយកចិត្តទុកដាក់ ថែទាំពិសេសចំពោះជំនាន់វ័យក្មេង។ ក្នុងឱកាសនេះ
កុមារមិនឲ្យចេញទៅឃ្វាលក្របីធ្វើការងារក្នុងផ្ទះឡើយគឺទុកពេលឲ្យកុមារសំរាប់
លេងកំសាន្តនិងហូបម្ហូបអាហារដែលគេចូលចិត្តតែប៉ុណ្ណោះ។ លោកស្រី Ha Thi
Dieu ឃុំ Quang Huy ស្រុក Phu Yen ខេត្ត Son La បានឲ្យដឹងថា៖
“បុណ្យតេត Xip Xi រឺដែលហៅថា បុណ្យតេតកុមារ។ កុមារច្រើនទៅឃ្វាលក្របី ដូច្នេះក្នុងទិវានោះត្រូវវិចបាយដំណើបសាច់ នំទុកឲ្យគេយកទៅហូប។ ខោអាវថ្មី
អាចដេរដោយខ្លួនឯងរឺទិញមកក៏បាន។ ក្នុងទិវា Xip Xi ហូបបាយថ្ងៃត្រង់រួចហើយ យុវជនកុមារបាននាំគ្នាទៅដើរលេងបុណ្យតេតសប្បាយណាស់។”
បុណ្យតេត Xip Xi មានចំនួន២ផ្នែកគឺ ផ្នែក Mo គឺសែនដូនតារំលឹកនូវគុណូ
បការៈរបស់អ្នកបង្កើតភូមិនិងផ្នែកពិសារលេងល្បែងវប្បធម៍សិល្បៈ។ នៅផ្នែក Mo វត្ថុសែនមានប្រភេទជាច្រើនដូចជាសាច់ស្រា Khau Cam (បាយដំណើបលាយព័រ)
ជាដើម។ ប៉ុន្តែមានវត្ថុចំនួន២មិនអាចខ្វះបានគឺសាច់ទានិងនុំ it។ នុំ It (រឺដែលហៅថា
នុំគូរ) ត្រូវបានធ្វើពីម្សៅដំណើបល្អៗ ស្នូលក្នុងមានសណ្ដែក Nho nhe សាច់និងគ្រាប់
ម្រេចខ្មៅ។ រួមជាមួយនុំ it គឺសាច់ទា។ គេបានពន្យល់ថា សត្វទាបានផ្សារភ្ជាប់ជា
មួយស្រែទន្លេជ្រោះជីវភាពរស់នៅផលិតកម្មរបស់មនុស្ស។ Xip Xi សែនសាច់ទាគឺ
ចង់ឲ្យសត្វទាស៊ីអស់ដង្កូវស៊ីស្រូវ សត្វទានាំយកប្រការអមង្គលប្រការអាក្រក់ឲ្យ
លំហូរទៅតាមចរន្តទឹករសាត់បាត់អស់។ រីឯនុំ It បានវិចតាមគូរជានិមិត្តរូបឲ្យគូរ
សង្សាសុភមង្គល។
បុណ្យតេត Xip Xi ត្រូវបានរៀបចំតាមគ្រួសារនីមួយៗ មានកន្លែងតាមត្រកូល
និងស្របតាមស្ថានភាពគ្រួសារដែលគេរៀបចំធំតូចខុសគ្នា។ ក្រោយពេលសែនបណ្ដាសមាជិកក្នុងគ្រួសារនឹងអង្គុយជុំវិញនៅក្បែរស្ពុកបាយ។ កូនចៅជូនពរជន
ចាស់ជរាមានអាយុយឺនយូរ ជនចាស់ជរាជូនពរឲ្យជំនាន់វ័យក្មេងសុខសានត្រាណមានសុខភាពល្អ។ ចំពោះជនជាតិ Thai ស Xip Xi ក៏ជាឱកាសដើម្បីជនរួមជាតិបង្ហាញទឹកចិត្តរាក់ទាក់ជាមួយភ្ញៀវរបស់ខ្លួន។ ភ្ញៀវជិតស្និទ្ធបានអញ្ចើញពីមុននោះ
ប៉ុន្មានថ្ងៃ។ ភ្ញៀវទាំងអស់ត្រូវបានស្វាគមន៍យ៉ាងកក់ក្តៅ បានពិសារបណ្ដាមុខម្ហូប
វិសេសដែលត្រឹមតែមានក្នុងប៉ុន្មានថ្ងៃបុណ្យតេត Xip Xi ឡើយ។ ក្នុងឱកាសនេះ គ្រួសារណាអញ្ចើញបានភ្ញៀវជាច្រើនមកចូលរួមនឹងមានសំណាងជាច្រើន។
សប្បាយរីករាយដូច្នេះ ប៉ុន្តែបងប្អូនមិនភ្លេចរំលឹកគ្នាពិសារត្រូវមានកំរិតដើម្បីបុណ្យ
តេត Xip Xi ធានាបានចរិតលក្ខណៈពិសិទ្ធិសុវត្ថិភាពនិងស្អាតស្អំ។ លោក Ha Ho Bac
នៅឃុំ Huy Tan ស្រុក Phu Yen បានឲ្យដឹងថា៖
“Xip Xi តាមទំនៀមទំលាប់គឺត្រូវលេងកំសាន្តស្អាតស្អំសន្សំសំចៃ ពិសេសគឺពិសារស្រាត្រូវមានកំរិត ពិសារដើម្បីសប្បាយរីករាយ មិនពិសារច្រើនទេ។”
Xip Xi មិនត្រឹមតែមានការពិសារលេងកំសាន្តប៉ុណ្ណោះទេ ថែមទាំងផ្សាភ្ជាប់នឹងសកម្មភាពនោះគឺ “khap chuc muon” មានន័យថាច្រៀងជូនពរ “khap son con” ច្រៀងបង្រៀនរបៀបរស់នៅ និង “khap bao sao” គឺច្រៀងប្រាស្រ័យក្នុងពេលពិសាររឺពេលមកសាកសួរសុខទុក្ខគ្នា។ នាបច្ចុប្បន្ន នារសៀលទិវា Xip Xi រដ្ឋអំណាចនៅដំបន់ជាច្រើនបានរៀបចំទិវាបុណ្យរួម។ អ្នកណាដែលធ្លាប់បានចូលរួមទស្សនាបរិយាកាសបុណ្យតេត Xip Xi ជាមួយជនរួមជាតិទោះបីជាម្ដង នឹងត្រូវចាំជានិច្ចមិនអាចបំភ្លេចបានឡើយ៕