ពិធីសែនខួបស្តេច Hung ត្រូវបានប្រារព្វធ្វើឡើងរួមមានពិធីដ៏មហោឡារិក ដូចជាការសែនថ្វាយតង្វាយ អុជធូប ដាក់ផ្កានៅលើទីសក្ការៈស្តេច Hung និងពិធីប្រកាសគុណបំណាច់ជាដើម

រីឯមិត្តអ្នកស្តាប់ នួនពិសិដ្ឋ ដែលជានិស្សិតកម្ពុជាកំពុងសិក្សានៅសាកលវិទ្យាល័យវេជ្ជសាស្ត្រហាណូយ បានផ្ញើសំបុត្រចែករំលែកថា    «តាមរយៈប្រព័ន្ធផ្សព្វផ្សាយព័ត៌មាន ជាពិសេសគឺវិទ្យុសម្លេងវៀតណាម ខ្ញុំទទួលបានព័ត៌មានដ៏មានអត្ថប្រយោជន៍ជាច្រើនអំពីពិធីសែនខួបស្តេច Hung នៅវៀតណាម។ ពិតណាស់ថា ដល់ថ្ងៃ១០ ខែមិនា តាមប្រតិទិនច័ន្ទគជារៀងរាល់ឆ្នាំ ពិធីសែនខួបស្តេច Hung ត្រូវបានប្រារព្វធ្វើឡើងរួមមានពិធីដ៏មហោឡារិក ដូចជាការសែនដាក់ថ្វាយតង្វាយ អុជធូប ដាក់ផ្កានៅទីសក្ការៈស្តេច Hung និងពិធីថ្លែងគុណបំណាច់ជាដើម។ ខ្ញុំមានការចាប់អារម្មណ៍យ៉ាងខ្លាំង ពីព្រោះប្រជាជនចាត់ទុកថានេះគឺជាសកម្មភាពប្រពៃណីដ៏មានអត្ថន័យជារៀងរាល់ឆ្នាំ ដែលរៀបចំឡើងដើម្បីថ្លែងអំណរគុណចំពោះស្ដេច Hung ដែលមានគុណបំណាច់ក្នុងការកសាងប្រទេសជាតិ និងរំលឹកដល់គុណូបការៈរបស់បុព្វការីជនរបស់ខ្លួន ព្រមទាំងចូលរួមចំណែកក្នុងការអប់រំប្រពៃណីទំនៀមទម្លាប់ស្នេហាជាតិសម្រាប់ប្រជាជនគ្រប់ជាន់ថ្នាក់ ជាពិសេសគឺយុវជនជំនាន់ក្រោយ។ ខ្ញុំសង្ឃឹមថាមិត្តទាំងអស់គ្នានឹងបន្តថែរក្សានិងពង្រីកស្មារតី «ទឹកផឹកនឹកដល់ប្រភពដើម» ដ៏ថ្លៃថ្លារបស់បុព្វជនដែលបានបន្សល់ទុកផងដែរ។

ភូមិផ្ទាំងគំនូរ Hon Thien ជាទីកន្លែងទាក់ទាញចិត្តភ្ញៀវទេសចរណ៍នៅខេត្ត Ninh Thuan (រូបថត៖ khamphaninhthuan)

អ្នកស្តាប់ជាទីគោរពរំលឹកដល់ខេត្ត Ninh Thuan យើងនឹងនឹកឃើញដល់វាលខ្សាច់ និងផ្លូវឆ្នេរសមុទ្រដ៏ស្អាតបំផុតនៅវៀតណាម - ឈូងសមុទ្រ Vinh Hy ប៉ុន្តែយើងក៏មិននឹកស្មានដល់គោលដៅទេសចរណ៍មួយដ៏គួរឱ្យចាប់អារម្មណ៍ផ្សេងទៀតដូចជា ភូមិផ្ទាំងគំនូរ Hon Thien ជាទីមនោរម្យនៅក្បែរតំបន់ Dam Nai បានបង្កើតជារូបភាពគួរឱ្យទាក់ទាញសម្រាប់ភ្ញៀវទេសចរនៅពេលមកដល់ទីនេះម្តងៗ។ ពីផ្លូវបំបែកជា៥ Phu Ha មានចម្ងាយប្រមាណ ១១ គីឡូម៉ែត្រពីទីក្រុង Phan Rang - Thap Cham ភ្ញៀវទេសចរនឹងទៅដល់ភូមិ Hon Thien ដែលឥឡូវនេះត្រូវបានគេហៅថាជាភូមិផ្ទាំងគំនូ Hon Thien។ នេះជាភូមិផ្ទាំងគំនូរដំបូងបង្អស់នៅខេត្ត Ninh Thuan ដោយមានបំណងទាក់ទាញភ្ញៀវទេសចរពីក្នុងនិងក្រៅខេត្តមកទស្សនា ថតរូបនិងចូលរួមចំណែកបង្កើនប្រាក់ចំណូលសម្រាប់ប្រជាជនក្នុងតំបន់។ វិចិត្រករបានដាក់បានគូរគំនូរស្រស់ស្អាតរបស់ Hon Thien និង Dam Nai រូបភាពជីវភាពរស់នៅប្រចាំថ្ងៃរបស់ប្រជាជនលើផ្ទាំងគំនូរដូចជាទេសភាពរបស់ប្រជានេសាទ ទេសភាពធម្មជាតិដ៏ប្លែកៗរបស់ខេត្ត Ninh Thuan ជាដើម។ ឈាងចូលទស្សនាភូមិ ផ្ទាំងគំនូរ Hon Thien ភ្ញៀវទេសចរក៏មានឱកាសទទួលបានបទពិសោធន៍គួរឱ្យចាប់អារម្មណ៍ជាច្រើនទៀតដូចជា ឡើងភ្នំ មើលថ្ងៃរះ និងថតរូបពេលថ្ងៃលិច ជិះទូកធ្ចើនេសាទត្រីនិងបង្កងនៅ Dam Nai ឬក៏ទទួលទានជាមួយគ្រឿងសមុទ្រដ៏ឆ្ងាញ់ៗ ជាដើម។ ការលេចឡើងផ្ទាំងគំនូរ Hon Thien មិនត្រឹមតែជួយបង្កើនសោភ័ណភាពរបស់ភូមិ Hon Thien ប៉ុណ្ណោះទេ ថែមទាំងជួយលើកកម្ពស់មនសិការរបស់ប្រជាជនក្នុងការថែទាំផ្លូវក្នុងភូមិឲ្យបានស្អាត និងការពារបរិស្ថាន ព្រមទាំងលើកទឹកចិត្តប្រជាជននៅភូមិនេសាទរួមសហការគ្នា ដើម្បីកសាង ជនបទថ្មី និងស្រុកកំណើតរបស់ខ្លួនកាន់តែរីកចម្រើនពីមួយថ្ងៃទៅមួយថ្ងៃផងដែរ។