មកទស្សនានៅរដ្ឋធានីហាណូយ (វៀតណាម) ជាលើកដំបូង Pavel រួមជាមួយ មិត្តស្រីរបស់ខ្លួនគឺកញ្ញា Tanya រងចាំឱកាសពិសារហ្វើកាហ្វេស៊ុតផ្លែឈើចំណិត។ (VOVworld/Phan Bach)

ពាក់អាវ t-shirt ខោ jeans និងពាក់មួកកាតឹប សំលៀកបំពាក់ Pavel
ដែល មានអាយុ ២៩ ឆ្នាំ បានធ្វើឲ្យប្រជាពលរដ្ឋនៅមណ្ឌលវិថីបុរាណភ្ញាក់ផ្អើល
ណាស់ បើប្រៀបនឹងរដូវរងានៅទីក្រុងហាណូយនោះ។ គាត់កាន់ដៃរបស់សង្សាស្រី
 Tanya ដែលមានអាយុ ២៦ ឆ្នាំ ឈរចូលក្នុងជួរអតិថិជន​ជាច្រើននាក់ចំពោះ
មុខហាងហ្វើ Thin លេខ ៦១ លើវិថី Dinh Tien Hoang នៅខាងក្បែ បឹង Hoan
 Kiem មជ្ឈមណ្ឌលរដ្ឋធានីហាណូយ។ បានពិសារហ្វើគឺជាអាទិភាព ជួរមុខក្នុងដំណើរ
ទេសចរណ៍នៅវៀតណាមនៃគូស្រករនេះ។

ហ្វើ Thin លេខ ៦១ លើវិថី Dinh Tien Hoang (VOVworld/Phan Bach)

Tanya: ម្ហូបអ្វីនេះ?​

Pavel:មើលទៅ ......ហ្វើ! ចានធំណាស់! .....មីងអើយ ឲ្យយើងខ្ញុំ ២ ចាន!​

        ក្រោយរយៈពេល ៥ នាទី ហ្វើសាច់គោ ២ ចានដ៏ឈ្ងុយឆ្ងាញ់ត្រូវបានលើកដាក់
 លើតុ។​ សាច់គោឆ្អិនត្រូវបានហាន់ស្តើង សសៃហ្វើវែងស្តើងស្វិតនេះដោយធ្វើពីអង្ករ
 ទឹកស៊ុបមានរស់ជាតិឆ្ងាញ់រួមជាមួយក្លិនពិសេសពីខ្ទឹមវ៉ាន់ស៊ុយផ្កាចន្ទន៍កូចកាក
បានធ្វើឲ្យភ្ញៀវទេសចរពីរនាក់នេះចង់ទទួលទានហ្វើភ្លាមមួយរំពេច។ គេមិនបំ
ភ្លេចច្របាច់ក្រូចឆ្មារនិងដាក់បន្ថែមម្ទេសក្នុងចានហ្វើដូចអតិថិជនជុំវិញឡើយ។

        «ឆ្ងាញ់ណាស់! ខ្ញុំចូលចិត្តណាស់!​ ប្រទេសខ្ញុំគ្មានមុខម្ហូបដូច្នេះទេ។ ម្ហូបអាហារ
 របស់បែឡារុសភាគច្រើនធ្វើពីដំឡូងបារាំង ហើយមីក៏មិនជាម្ហូបពិសេសដូចហ្វើដែរ។»

        «ហ្វើធ្វើឲ្យខ្ញុំចងចាំទៅនឹងស៊ុបរដូវក្តៅនៅស្រុកកំណើតដោយសារមុខម្ហូបនេះ
ក៏មានខ្ទឹមជីនិងទឹកស៊ុបដែរ។ ហ្វើមានរស់ជាតិឈ្ងុយឆ្ងាញ់ដែលមិនអាចរៀបរាប់ឲ្យ
បាន អស់ឡើយ។ រស់ជាតិនៃហ្វើសាមញ្ញប៉ុន្តែឆ្ងាញ់មែនទែនដែលធ្វើឲ្យអតិថិជនចាប់
អារម្មណ៍ជូរស្រាលបន្ទាប់ពីពិសារ មិនធ្វើអោយធ្ងន់ពោះដូចញុំ pizza​ ឬ hamburger
ទេ។ ប្រការពិសេសមួយទៀតគឺ ពេលវេលានេះជារដូវត្រជាក់នៅវៀតណាមក្តី ប៉ុន្តែ
ខ្ញុំនៅមានឱកាសទទួលទានរស់ជាតិពោរពេញទៅដោយរដូវក្តៅដូច្នេះគឺប្រការ
អស្ចារ្យណាស់។ ជនបែឡារុសមិនប្រើប្រាស់ជីក្រអូបច្រើនក្នុងម្ហូបមួយមុខដូចជន
វៀតណាមទេ។ ខ្ញុំចូលចិត្តក្លិនក្រអូបដែលខ្ទឹមនិងជីរក្នុងហ្វើ។»

Pavel និង Tanya ក្នុងហាងបាយមួយ (VOVworld/Phan Bach)

        ១០ ហ្មឺនដុង (ស្មើនឹង ៥ ដុល្លាអាមេរិក) សំរាប់ហ្វើ ២ ចានគឺថោកសំរាប់ម្ហូបល្បី
 ឈ្មោះមួយនៃទីក្រុងហាណូយ។ Pavel និង Tanya ទើបនឹងបង់លុយ មានអតិថិជន
 ចំនួន ២ នាក់ទៀតចូលអង្គុយក្នុងកៅអីភ្លាមមួយរំពេច។ នៅលើវិថីមានកង់ដឹកខ្ទឹម
ជីរនិងប៉េងប៉ោះមួយគ្រឿងជិះហួសទៅ ក្លិននៃជីរក្រអប់លាយបញ្ជូលខ្យល់ពីបឹង Hoan
 Kiem ។ ច្រមុះរបស់ Tanya បែកញើស ថ្ពាល់ក្រហមសក់ប៉ុម្មានសសៃលើថ្ងាស។ សិសរដូវ
 ហាណូយក្តៅជាងបើប្រៀបនឹងស្រុកកំណើតរបស់គាត់។

        ដើរថ្មើជើងលើវិថី Nguyen Huu Huan មិត្តវ័យក្មេងទាំងពីរនាក់នេះកំពុង ពិនិត្យ
ឡើងវិញអាស័យដ្ឋាននៃទីកន្លែងជាបន្តលើទូរស័ព្ទចល័ត។  ហាងកាហ្វេ Giang ល្បីឈ្មោះ
អំពីកាហ្វេស៊ុតស្ថិតនៅលេខ ៣៩ ផ្លូវចង្អៀតមួយក្នុងមជ្ឈមណ្ឌលវិថី បុរាណ។

កាហ្វេស៊ុត (VOVworld/Phan Bach)

        តុនិងកៅអីតូចៗមួយចំនួនដាក់នៅជាន់ក្រោមនៃហាងកាហ្វេបានអស់ទំនេ
ទៅហើយ។ Pavel និង Tanya សម្រេចឡើងជាន់មួយវិញ។ Tanya មិនអាចលាក់ការភ្ញាក់
ផ្អើលរបស់ខ្លួនក្នុងពេលដែលមើលទៅម៉ឺនុយបានឡើយ។ 

        «ហេតុអ្វីកៅអីនៅទីនេះទាបដូច្នេះ? កាហ្វេស៊ុត? នៅប្រទេសខ្ញុំ គេមិនដាក់
ស៊ុតក្នុងកាហ្វេទេ។»

        ទោះបីជាត្រូវបានភ្ញាក់ផ្អើលខ្លាំងក្តី ប៉ុន្តែ Pavel និង Tanya នៅសម្រេចហៅ
ហាហ្វេ ២ កែវ។ ១០ នាទីជាបន្ត កាហ្វេស៊ុត ២ កែវដែលដាក់ក្នុងចានមានទឹកក្តៅ
ត្រូវបានលើកមមកជូន។ របៀបរក្សាកាហ្វេក្តៅនេះធ្វើឲ្យ Pavel ថតរូបជាអនុស្សាវរីយ៍
ភ្លាមមួយរំពេច។

Tanya: វិសេសវិសាលណាស់!

Pavel: បងៗអាចថតរូបឲ្យយើងខ្ញុំដែរឬទេ?

        «ប្រសិនបើមានតែស៊ុតដូច្នេះគឺមិនអាចនាំមកនូវរស់ជាតិឆ្ងាញ់ដូច្នេះទេ។
 ខ្ញុំគិតថា ការលាយរវាងស៊ុតក្រហមដែលត្រូវបានលាយជាមួយក្រែមនិងកាហ្វេ
ល្វីងបង្កើតឡើង រស់ជាតិពិសេសណាស់។»

        ខណៈពេលដែល មិត្តស្រីរបស់ខ្លួនសប្បាយរីករាយផឹកកាហ្វេ Pavel នៅគយ
 កន់ប្រកបដោយប្រុងប្រយ័ត្នពែងកាហ្វេ «វិសេសវិសាល» របស់ខ្លួន។

        «ទឹកក្តៅក្នុងចានដើម្បីធ្វើអ្វី? ប្រហែលជារក្សាស៊ុតក្រហមមិនរំលាយចូលក្នុង
កាហ្វេមើលទៅ? ខ្ញុំគប្បីក្រឡុកស៊ុតនិងកាហ្វេជាមួយគ្នាឬពិសារស៊ុតមុនដែរឬទេ?​
គួរឲ្យចាប់អារម្ម ណ៍ណាស់! ឆ្ងាញ់ណាស់!»

រស់ជាតិឆ្ងាញ់ផ្អែមល្មមនៃស៊ុតពង់ក្រហមសម្របខ្លួនជាមួយរស់ជាតិកាហ្វេល្វីង​របស់វៀតណាមដណ្តើមបានព្រលឹងរបស់ភ្ញៀវទេសចរបរទេសទាំងពីររូបនេះ។

Tanya ជ្រើសរើសផ្លែឈើចំណិតមួយចាន ហើយ Pavel - ទឹកក្រឡុកពី ផ្លែស្ដបូរីស្វាយនិងទៀបបារាំង។ (VOVworld/Phan Bach)

        រដូវរងាឆ្នាំនេះនៅវៀតណាមិនត្រជាក់ខ្លាំងទេ។ ដោយហេតុនេះ ផ្លែឈើចំណិត
ដែលពោរពេញទៅដោយផ្លែឈើពិសេសគ្រប់ប្រភេទរបស់វៀតណាមគឺជាចម្រើសជា
 បន្តរបស់មិត្តវ័យក្មេងពីរនាក់នោះ។

        ស្ថិតនៅក្បែបឹង Hoan Kiem វិថី To Tich ត្រូវបានហៅថា «វិថីផ្លែឈើចំណិត»
ដោយសារ ពីដើមដល់ចុងវិថីតូចនេះមានហាងលក់ទឹកក្រឡុកនិងផ្លែឈើរាប់ចំណិត
 សិបហាង។ Tanya ជ្រើសរើសផ្លែឈើចំណិតមួយចាន ហើយ Pavel - ទឹកក្រឡុកពី
ផ្លែស្ដបូរីស្វាយនិងទៀបបារាំង។ បណ្ដាប្រភេទផ្លែឈើនេះមិនមាននៅបេឡារុសទេ។

        «ទឹកក្រឡុកខ្ញុំមកហើយ! Tanya អើយ ចាំបន្តិចៗដើម្បីខ្ញុំថតវីដេអូ។ ដាក់
ស្លាបព្រាដូច្នេះ រួចហើយ! រស់ជាតិស្តបូរីឆ្ងាញ់ណាស់! អូនមានអ្វីទេ? ស្វាយ? ឲ្យខ្ញុំ
បរិភោគភ្លាមមក! អស្ចារ្យណាស់! ស្វាយជាផ្លែទី ១!។

        ខុសពីមិត្តប្រុសរបស់ខ្លួន Tanya ហៅមុខម្ហូបដែលទើបនឹងជ្រើសរើសជាផ្លែឈើ
ចំណិតចម្រុះពណ៌។ ពណ៌ក្រហមនៃឪឡឹក ពណ៌ខៀវនៃចាហួយដូង ពណ៌លឿងនៃខ្នុរ
 បង្កើតឡើងផ្ទៃងគំនូស្អាតនិងឆ្ងាញ់ពិសារដែលធ្វើឲ្យអតិថិជនមិនអាចបំភ្លិចបាន
 ឡើយ។ កញ្ញា Tanya បានចែករំលែកថា៖               

        «ម្ហូបអាហារតាមដងវិថីនៅក្រុងហាណូយមានតំលៃថោក។ ផ្លែឈើចំណិត
 មួយចានដូច្នេះមានតំលៃជាង ៣០ ពាន់ដុង តែប៉ុណ្ណោះ។ នៅបេឡារុស សាឡាត់
ធម្មាតាមានតំលៃកើនឡើង ២ ដងក្នុងមួយចាន។ ប្រសិនបើផ្លែឈើចំណិតវិញ
នឹងថ្លៃជាងទៀត។ ប្រការដែលខ្ញុំចូលចិត្តបំផុតនៅវៀតណាមបំផុតគឺមានប្រភេទ
ផ្លែឈើពិសេសសម្បូរបែបណាស់។ ម្ចាស់ហាងរាក់ទាក់ពន្យល់ឲ្យខ្ញុំម្ហូបណាឆ្ងាញ់ឬផ្លែ
អ្វី។ ជនហាណូយស្និទ្ធស្នាលរាក់ទាក់ណាស់។»

ពេលយប់មកដល់។ Pavel កាន់ដៃ Tanya ចេញពីវិថី To Tich (VOVWorld/Phan Bach)

        ពេលយប់មកដល់។ Pavel កាន់ដៃ Tanya ចេញពីវិថី To Tich ហើយគាត់នៅ
បត់ ក្បាលមកវិញក្នុងពេលដែលដើរឆ្លងកាត់ហាងនំបាញគួន។ គូរស្រករមើលទៅ
គ្នា ហើយ Pavel​ ចែករំលែកថា៖          

        «គួរឲ្យចាប់អារម្មណ៍ណាស់ក្នុងពេលដែលរកឃើញប្រទេសមួយតាមរយៈមុខម្ហូប
 អាហារនៃប្រទេសនេះ។ នេះគឺជារបៀបទៅទេសចរណ៍ពិសេសនិងគួរឲ្យទាក់ទាញ
បំផុត។ មានឱកាសបានឃើញផ្ទាល់ក្នុងការធ្វើម្ហូបអាហារគឺពិសេសណាស់។ នាគ្រា
ដំបូង ខ្ញុំគិតថានឹងពិសារមុខម្ហូបនេះ ប៉ុន្តែ ឃើញមុខផ្សេងឆ្ងាញ់ៗ ចុងក្រោយ
ខ្ញុំបានជ្រើសរើសមុខម្ហូបទាំងពីរ។ ទីក្រុងហាណូយបានធ្វើឲ្យខ្ញុំភ្ញាក់ផ្អើលពីប្រការ
ធម្មាតាបំផុតដូចកាហ្វេស៊ុត។ មិនដឹងនាថ្ងៃស្អែក ហាណូយជូនឲ្យយើងពិសារអ្វីទេ?»

        តាមដងវិថី ហាងបាយពោរពេញទៅដោយអតិថិជន។ មិត្តវ័យក្មេងទាំងពីរ
 រូបបានមានបញ្ជីឈ្មោះមុខម្ហូបអាហារពិសេសនៅទីក្រុងហាណូយដែលត្រូវទទួល
ទានសំរាប់ថ្ងៃស្អែកហើយ៕