(VOV)_ប្រទេសវៀតណាមមួយដ៏ស្និទ្ធិស្នាល រ៉ាក់ទាក់ ប្រទេសម៉ាឡែស៊ីមួយ
សម្បូរទៅដោយពិធីបុណ្យ ប្រទេសថៃមានតំបន់ទេសចរណ៍ជាច្រើន និងប្រទេស
ឥណ្ឌូនេស៊ីមួយមានខឿនវប្បធម៌ដ៏វិសេសវិសាល។ ប្រការទាំងនេះ ត្រូវបានតាំង
បង្ហាញនៅក្នុងការតាំងពិព័រណ៌ “ASEAN- 48 ឆ្នាំសន្តិភាពនិងអភិវឌ្ឍន័២០ឆ្នាំ វៀត
ណាមចូលរួមអាស៊ាន”នៅទីក្រុងហាណូយដែលបានប្រព្រឹត្តទៅចាប់ពីថ្ងៃទី៨ដល់
ថ្ងៃទី១៥កញ្ញានៅទីក្រុងហាណូយ។
 |
| ការតាំងពិព័រណ៌ “ASEAN- 48 ឆ្នាំសន្តិភាពនិងអភិវឌ្ឍន័ ២០ឆ្នាំ វៀតណាមចូលរួមអាស៊ាន |
នាម៉ោង៩ព្រឹក ការតាំងពិព័រណ៌ត្រូវបានបើកជាផ្លូវការ ទោះបីជាមានភ្លៀងធ្លាក់ខ្លាំងក្តី ប៉ុន្តែ ភ្ញៀវទស្សនាបានមកពេញបរិវេណតាំងបង្ហាញជាង៦០ម៉ែត្រក្រឡា នៅ
ទីស្នាក់ការ សម្ព័ន្ធភាពបណ្ដាអង្គការមិត្តភាពទីក្រុងហាណូយ។ ចូលទៅខាងក្នុង
ភ្ញៀវទស្សនានឹងឃើញបណ្ដា poster ធំៗ ត្រូវបានដាក់តាមបណ្ដោយជញ្ជាំងពណ៌ស។
ក្នុង poster និមួយៗនេះ គឺមានរូបថតជាង១០០ផ្ទាំង ឧទ្ទេសនាមអំពីប្រទេសជាស
មាជិកអាស៊ាននានា។ ដំបូងគឺរូបថតឧទ្ទេសនាមអំពីប្រទេសម៉ាឡេស៊ី។ នោះគឺរូប
ភាពអគារភ្លោះ Petronas ដ៏ល្បីឈ្មោះនៅទីក្រុង Kualumpur រូបភាពស្ដីពីយុវជន
យុវនារីម៉ាឡេស៊ី ក្នុងសម្លៀកបំពាក់ប្រពៃណី។ ជិតនៅទីនេះ គឺបណ្ដារូបថតឧទ្ទេស
នាមអំពីប្រទេសថៃ។ លោកស្រី Vu Thi Hai អនុប្រធានអចិន្ត្រៃយ៍ សម្ព័ន្ធបណ្ដាអង្គ
ការមិត្តភាពទីក្រុងហាណូយ និងជាប្រធានគណៈចាត់តាំង បានអោយដឹងថា៖
“ ការតាំងពិព័រណ៌លើកនេះឧទ្ទេសនាមអំពីរូបភាពនៃប្រទេសអាស៊ានទាំង
ឡាយ និងជំហានអភិវឌ្ឍន៍របស់ប្រទេសផ្សេងៗ ដែលក្នុងនោះមានវៀតណាម។
ប្រជាជនហាណូយជាច្រើនក៏បាននិយាយអំពីសហគមន៍អាស៊ាន ប៉ុន្តែ សហគ
មន៍អាស៊ានរួមមានប្រទេសណាខ្លះ និងអភិវឌ្ឍន៍យ៉ាងម៉េច គេមិនសូវដឹងទេ។
ការតាំងពិព័រណ៌នេះដ៏ស្អាត ឧទ្ទេសនាមអំពីបណ្ដាតំបន់ទេសចរណ៍។ ទន្ទឹមនឹង
នោះ គេអាចស្វែងរកបានដៃគូពាណិជ្ជកម្មទៀតផង។”
 |
| ការតាំងពិព័រណ៌ “ASEAN- 48 ឆ្នាំសន្តិភាពនិងអភិវឌ្ឍន័ ២០ឆ្នាំ វៀតណាមចូលរួមអាស៊ាន |
ពិសេស ការតាំងពិព័រណ៌លើកនេះមានជ្រុងមួយឧទ្ទេសនាមអំពីរយៈពេល២០
ឆ្នាំ វៀតណាមចូលរួមអាស៊ានទៀតផង។ លោក Ru len Sa rít ឯកអគ្គរដ្ឋទូតរងម៉ា
ឡេស៊ី ប្រចាំនៅវៀតណាម បានអោយដឹងថា៖
“ ខ្ញុំវាយតំលៃខ្ពស់តួនាទី ការទទួលខុសត្រូវ មានចរិតលក្ខណះស្ថាបនារបស់វៀតណាម ក្នុងរយៈពេល២០ឆ្នាំចូលរួមអាស៊ាន។ វៀតណាមបានរួមចំណែក
យ៉ាងសកម្ម ជំរុញសាមគ្គីភាព ស្ថិរភាព។ សមិទ្ធិផលរបស់វៀតណាមនៅអាស៊ាន
បានបង្កើតឡើងគ្រិះដ្ឋានរឹងមាំសំរាប់អនាគត និងការធ្វើសមាហរណកម្មវៀតណាម
ជាមួយមិត្តភក្តិអន្តរជាតិ។”
តាមគណៈចាត់តាំង ចាប់ពីថ្ងៃបើកទ្វាមក គិតជាមធ្យម ក្នុងមួយថ្ងៃ មានមនុស្សជាង
២០០នាក់មកទស្សនា។ លោក Nguyen Lai ជនហាណូយមួយនាក់ អោយដឹងថា៖
“ការតាំងពិព័រណ៌នេះគឺជាឱកាស ដើម្បីជនគ្រប់រូបជួបជុំគ្នា ចែករំលែកអំពីមនោសញ្ជេតនា អំពីសហគមន៍អាស៊ាន។ ប្រទេសអាស៊ាននិមួយៗ សុទ្ធតែមាន
ទិដ្ឋភាពដ៏អស្ចារ្យ និងល្បីឈ្មោះលើទូទាំងពិភពលោក។ រូបថតទាំងនេះបានធ្វើ
អោយយើងខ្ញុំចង់ទៅទស្សនារមណីដ្ឋានទាំងឡាយនៅអាស៊ាន។”
ការតាំងពិព័រណ៌“ASEAN- 48 ឆ្នាំសន្តិភាពនិងអភិវឌ្ឍន័២០ឆ្នាំ វៀតណាម
ចូលរួមអាស៊ាន” បើកទ្វាពីម៉ោង៩ ដល់ម៉ោង១៧ ពីថ្ងៃទី៨ ដល់ថ្ងៃទី១៥កញ្ញា នៅ
ទីក្រុងហាណូយ។ ប្រសិនបើលោកអ្នកនាងកំពុងរស់នៅនិងធ្វើការនៅទីក្រុងហា
ណូយ សូមអញ្ជើញអស់លោកអ្នកនាងមកទស្សនា៕