ដោយប្រកាន់ខ្ជាប់នូវគោលការណ៍នៃការអភិវឌ្ឍប្រកបដោយចីរភាព ដោយមិនប្រើប្រាស់សំភារៈដែលបំផ្លាញបរិស្ថាន នារីពីរនាក់ឈ្មោះ Dao Thu Trang (អាយុ ៣១ ឆ្នាំ) និងឈ្មោះ Tran Quynh Anh (អាយុ ២៩ ឆ្នាំ) ជ្រើសរើសផ្លូវផ្ទាល់ខ្លួន ដើម្បីបើកម៉ាកយីហោកាបូបក្រណាត់ឆ្មៃនៅហាណូយមានឈ្មោះថា “ឡាឡាឡា” ស្និទ្ធស្នាលជាមួយបរិស្ថាន។
Dao Thu Trang (ឆ្វេង) និង Tran Quynh Anh បានបង្កើតកាបូបក្រណាត់ឆ្មៃម៉ាកយីហោ “ឡាឡាឡា” ដែលស្និទ្ធស្នាលជាមួយបរិស្ថាន។ |
មានចំណង់ចំណូលចិត្តអំពីការរចនា នារីទាំងពីរមើលឃើញភាពស្រស់ស្អាតប្លែកពីក្រណាត់ធ្វើពីដើមឆ្មៃនេះ។ ពួកគេពេញចិត្តក្នុងការប្រែក្លាយជាផលិតផលដែលមានទាំងនិន្នាការទាន់សម័យនិងស្និទ្ធស្នាលជាមួយបរិស្ថាន។
កាបូបធ្វើពីក្រណាត់ដើមឆ្មៃ មានគោលបំណងជំនួសថង់ប្លាស្ទិកនិងផលិតផលមានប្រភពដើមនីឡុង។ |
នារីពីរនាក់បាន "ស្លៀកពាក់អាវថ្មី" សម្រាប់ក្រណាត់ធ្វើពីដើមឆ្មៃ ដោយប្រែទៅជាកាបូបស្អាតទាន់សម័យ។ នៅក្នុងនោះ មានកាបូបដែលរចនាឡើងដោយផ្អែកលើការបំផុសគំនិតពីគំនូរប្រជាប្រិយ Dong Ho។
ដើម្បីបំពេញកាបូបក្រណាត់ដើមឆ្មៃ ចាំបាច់ត្រូវឆ្លងកាត់ដំណាក់កាលផ្សេងៗគ្នាជាច្រើន ដូចជាការធ្វើក្រណាត់ ការសាកល្បងក្រណាត់ រចនាកាបូបដើម្បីឱ្យសមនឹងវត្ថុធាតុដើម។ បន្ទាប់ពីជ្រើសរើសម៉ូដដែលសមរម្យ គឺបន្តរចនានិងច្នៃកាបូប។ ជាមួយកាបូបក្រណាត់ឆ្មៃនីមួយៗ នារីទាំងពីរផ្ញើរឿងនិងសារផ្សេងៗ ពោលគឺអាចជារឿងរ៉ាវនៃត្រីបាឡែនពណ៌ខៀវដែលជិតផុតពូជឬរឿងសមុទ្រជាដើម។
|
លក្ខណៈពិសេសប្លែកបំផុតនៃកាបូបទាំងនេះគឺគំនូរឆ្លាក់ដោយដៃនៅលើផ្ទៃក្រណាត់ដើមឆ្មៃ ដែលត្រូវបានរចនាឡើងតាមការបំផុសគំនិតពីពណ៌ប្រជាប្រិយវៀតណាម។ ខាងក្រោមនេះគឺជាគំរូមួយចំនួននៃកាបូបធ្វើពីក្រណាត់ដើមឆ្មៃរបស់ម៉ាក "ឡាឡាឡា":
តម្លៃកាបូបនីមួយៗ មានចាប់ពី ៨៥,០០០ ដល់ ២៩៥,០០០ ដុង (ស្មើនឹង ៤ ទៅ ១៣ ដុល្លារ)។