អ្នកជំនាញរបស់ Travel+Leisure បានធ្វើអត្ថាធិប្បាយថា Thua Thien Hue គឺជាគោលដៅទេសចរណ៍ដ៏ល្អឥតខ្ចោះសម្រាប់ការសម្រាកលំហែកាយ នៅពេលមកទស្សនាប្រទេសវៀតណាម។ តោះ ចូលរួមជាមួយ VOV5 គយគន់សម្រស់ដ៏បុរមបុរាណ និងសុខសាសន្ត្រនៃទីក្រុង Hue តាមរយៈរូបថតរបស់អ្នកនិពន្ធ Le Huy Hoang Hai៖ Hue ត្រូវបានគេចាត់ទុកថាជា "គោលដៅទេសចរណ៍ដ៏ល្អឥតខ្ចោះសម្រាប់ការលំហែកាយ" នៅពេលមកទស្សនាប្រទេសវៀតណាម ដោយពេលវេលាដ៏ល្អសម្រាប់ធ្វើដំណើរកំសាន្តគឺចាប់ពីខែមករាដល់ខែមេសា។ ស្ពាន Truong Tien ឆ្លងកាត់ទន្លេ Huong ដ៏រ៉ូមែនទិក។ អ្នកជំនាញទេសចរណ៍ផ្ដល់ដំបូន្មានថា ភ្ញៀវទេសចរគួរមកទស្សនាព្រះបរមរាជវាំង Hue ស្វែងយល់អំពីវិមានតម្កល់សពស្តេចនៃរាជកាល Nguyen និងវត្តអារ៉ាមដ៏បុរមបុរាណ។ ខ្លោងទ្វារ Ngo Mon គឺជាខ្លោងទ្វារធំជាងគេក្នុងចំណោមខ្លោងទ្វារទាំងបួននៃព្រះបរមរាជវាំង Hue។ ព្រះបរមរាជវាំង Hue គឺជាកេរ្តិ៍ដំណែលមួយស្ថិតនៅក្នុងតំបន់កេរ្តិ៍ ដំណែលអតីតរាជធានី Hue (បេតិកភ័ណ្ឌនៃរាជកាល Nguyen) ដែលត្រូវបានអង្គការអប់រំ វិទ្យាសាស្ត្រ និងវប្បធម៌របស់អង្គការសហប្រជាជាតិទទួលស្គាល់ ជាបេតិកភណ្ឌវប្បធម៌ពិភពលោក។ ខ្លោងទ្វារ Hien Nhon ស្ថិតនៅខាងកើតព្រះបរមរាជវាំង Hue។ ជាវិមានតម្កល់សពមួយក្នុងចំណោមវិមានតម្កល់សពទាំង ៧ ដែល ត្រូវបានសាងសង់ក្នុងរាជកាល Nguyen វិមានតម្កល់សពស្ដេច Minh Mang គឺជាគោលដៅ ទេសចរណ៍ទាក់ទាញសម្រាប់ភ្ញៀវទេសចរយ៉ាងច្រើនកុះករ។ វិមានតម្កល់សពស្ដេច Minh Mang ចាប់អារម្មណ៍ជាមួយនឹងស្ថាបត្យកម្ម ប្រពៃណីបុរាណ ដែលពោរពេញទៅដោយអត្តសញ្ញាណនៃលទ្ធិខុងជឺនិយម។ វិមានតម្កល់សពស្ដេច Khai Dinh ដែលជាវិមានតម្កល់សពចុងក្រោយនៃរាជកាល Nguyen រក្សាបាននូវតម្លៃប្រវត្តិសាស្ត្រ វប្បធម៌ និងសិល្បៈជាច្រើន ហើយជាលទ្ធ ផលនៃការរួមបញ្ចូលគ្នានៃស្ថាបត្យកម្មអាស៊ី អឺរ៉ុប វៀតណាមបុរាណ និងទំនើប។ វិមានតម្កល់សពស្ដេច Khai Dinh គឺជាស្នាដៃកំពូលនៃសិល្បៈដំឡើងរូបរាងដោយប៉សឺឡែន និងកញ្ចក់ ដែលត្រូវបានរចនាយ៉ាងប៉ិនប្រសប់ ល្អប្រណិតនិងស្អាត ឆើតឆាយ។ សង្វៀន Ho Quyen ដែលជាកន្លែងរៀបចំការប្រយុទ្ធដំរី និងខ្លា ក្នុងរាជកាល Nguyen ក៏ជាកេរ្តិ៍ដំណែលដ៏ពិសេសនៅក្នុងអតីតរាជធានីផងដែរ។ វត្ត Thien Mu (ត្រូវបានគេស្គាល់ថា វត្ត Linh Mu) គឺជាវត្តមួយក្នុងចំណោមវត្តបុរាណជាងគេនៅ Hue ដែលស្ថិតតាមមាត់ទន្លេ Huong។ ការជិះទូកលើទន្លេ Huong ស្តាប់ចម្រៀង Hue និងគយគន់ទេសភាពធម្មជាតិដ៏រ៉ូមែនទិកតាមមាត់ច្រាំងទន្លេក៏ជាបទពិសោធន៍ដ៏គួរឱ្យចាប់អារម្មណ៍នៅពេលមកដល់ខេត្ត Thua Thien Hue។ Từ khóa: VOV VOVworld Thua Thien Hue វៀតណាម គោលដៅ ទេសចរណ៍ ប្រតិកម្មទៅវិញ ផ្ញើទៅ Xem thêm