ທີ່ພິທີສະເຫຼີມສະຫຼອງ 32 ປີແຫ່ງວັນສະບຽງອາຫານໂລກ (ພາບ: baomoi.com) (vovworld) - ຕອນເຊົ້າວັນທີ 12/10, ກະຊວງກະສິກຳ ແລະ ພັດທະນາຊົນນະບົດຫວຽດນາມ ໄດ້ສົມທົບກັບອົງການອາຫານ ແລະ ກະເສດສະຫະປະຊາຊາດ ປະຈຳຫວຽດນາມ ຈັດຕັ້ງສະເຫຼີມສະຫຼອງ 32 ປີແຫ່ງວັນສະບຽງອາຫານໂລກ (12/10) ດ້ວຍຫົວຂໍ້ວ່າ “ສະຫະກອນກະສິກຳ: ມາດຕະການລ້ຽງຊີບຊາວໂລກ”. ກ່າວຄຳເຫັນທີ່ພິທີ, ທ່ານຮອງລັດຖະມົນຕີກະຊວງກະສິກຳ ແລະ ພັດທະນາຊົນນະບົດຫວຽດນາມ Bui Ba Bong ຊີ້ແຈ້ງວ່າ: ຂະແໜງກະສິກຳມທີ່ຕັ້ງບົດບາດສຳຄັນຮັບປະກັນຄວາມໝັ້ນຄົງດ້ານສະບຽງອາຫານແຫ່ງຊາດ, ປະກອບສ່ວນຕັ້ງໜ້າເຂົ້າໃນການຫຼຸດຜ່ອນຄວາມອຶດຫິວທຸກຍາກ, ຮັບປະກັນຊີວິດສັງຄົມ ແລະ ສ້າງເງື່ອນໄຂໃຫ້ແກ່ການຫັນປະເທດຊາດເປັນອຸດສາຫະກຳ ແລະ ທັນສະໄໝ. ເພື່ອປະຕິບັດຍຸດທະສາດພັດທະນາເສດຖະກິດສັງຄົມ 10 ປີໄລຍະ 2011 – 2020, ຫວຽດນາມ ພວມສ້າງໂຄງປະກອບພື້ນຖານກະສິກຳຄືນໃໝ່ຢ່າງຕັ້ງໜ້າ, ໃນນັ້ນສຸມໃສ່ການໜູນຊ່ວຍບັນດາສະຫະກອນພັດທະນາຍົກສູງປະສິດທິຜົນປະກອບສ່ວນເຂົ້າໃນພື້ນຖານເສດຖະກິດ. ທ່ານຮອງລັດຖະມົນຕີ Bui Ba Bong ເນັ້ນໜັກວ່າ. “ເພື່ອປະຕິບັດຍຸດທະສາດນີ້ໃຫ້ສຳເລັດຜົນ, ຕ້ອງປັບປຸງບັນດາສະຫະກອນກະສິກຳ, ໄປຄຽງຄູ່ກັບເລື່ອງຈັດຕັ້ງການຜະລິດຄືນໄໝ່ຕາມທິດຮ່ວມສຳພັນຊາວກະສິກອນ ແລະ ວິສາຫະກິດ ຮ່ວມສຳພັນລະຫວ່າງການຜະລິດ ແລະ ຕະຫຼາດຄືຮູບແບບທົ່ງນາກວ້າງໃຫຍ່ ເຊິ່ງພວມໄດ້ຮັບການຜັນຂະຫຍາຍຄືປະຈຸບັນ ແລະ ບັນດາຮູບແບບອື່ນເພື່ອໃຫ້ຊາວກະສິກອນຜະລິດຢ່າງມີປະສິດທິຜົນກວ່າເກົ່າ”. Từ khóa: ສະຫະກອນ
ປະທານສະພາແຫ່ງຊາດ ຫວຽດນາມ ເຈິ່ນແທັງເໝິນ ຕ້ອນຮັບບັນດາເອກອັກຄະລັດຖະທູດ, ອຸປະທູດບັນດາປະເທດສະມາຊິກ EU ປະຈຳ ຮ່າໂນ້ຍ
ຊຸກຍູ້ການຮ່ວມມືດ້ານອຸດສາຫະກຳເຕັກໂນໂລຢີຂໍ້ມູນຂ່າວສານລະຫວ່າງ ຫວຽດນາມ ແລະ ອາເມລິກາ