ພາບປະກອບ:internet
|
(vovworld) - ຕອນເຊົ້າວັນທີ 23/3 ຢູ່ຮ່າໂນ້ຍ, ສະພາທີ່ປຶກສາກ່ຽວກັບສາສະຫນາທີ່ຂຶ້ນກັບຄະນະກຳມະການສູນກາງແນວໂຮມປະເທດຊາດຫວຽດນາມ ຈັດຕັ້ງກອງປະຊຸມສະຫລຸບວຽກງານປີ 2011 ແລະ ຜັນຂະຫຍາຍແຜນການວຽກງານປີ 2012. ທີ່ກອງປະຊຸມ, ບັນດາຜູ້ແທນໄດ້ປຶກສາຫາລືຫລາຍບັນຫາຄື: ແກ້ໄຂການພົວພັນລະຫວ່າງອຳນາດນິຕິບັນຍັດ ແລະ ສາສະຫນາ; ລະບົບກົດໝາຍທ່ີກ່ຽວຂ້ອງເຖິງສາສະຫນາຫວຽດນາມໃນວິວັດການປ່ຽນແປງໃຫມ່ປະເທດຊາດ. ເມື່ອເວົ້າເຖິງວຽກງານຄຸ້ມຄອງສາສະຫນາ, ພະອາຈານ Thich Bao Nghiem ຮອງປະທານສູນກາງສະມາຄົມພຸດທະສາສະຫນາຫວຽດນາມ ຖືວ່າ:
“ສາສະຫນາທັງໝົດໃນປະເທດພວກເຮົາຊຶ່ງໄດ້ຮັບຮູ້ຈາກກົດໝາຍ ແມ່ນສາສະຫນາທີ່ມີການເຄື່ອນໄຫວເປັນຢ່າງດີ. ສາສະຫນາລ້ວນແຕ່ຮັບໃຊ້ຜົນປະໂຫຍດຂອງປະຊາຊົນ, ສະນັ້ນ ອາດຕະມາສະເຫນີວ່າ ຄວນເອົາໃຈໃສ່ເປັນພິເສດເຖິງບັນຫາສາສະຫນາ ເພື່ອເສີມຂະຫຍາຍດ້ານດີຂອງສາສະຫນາທີ່ມີຕໍ່ຊີວິດປະຈຸບັນ, ເປັນຕົ້ນແມ່ນຄົນລຸ້ນຫນຸ່ມ.”
ປີ 2012 ສະພາທີ່ປຶກສາກ່ຽວກັບສາສະຫນາສືບຕໍ່ສ້າງນະໂຍບາຍ, ກົດໝາຍກ່ຽວກັບສາສະຫນາໃຫ້ສົມບູນແບບ, ໃນນັ້ນ ສຸມໃສ່ປຶກສາຫາລືກ່ຽວກັບເລື່ອງປັບປຸງ, ເພີ່ມເຕີມບາງເນື້ອໃນສາສະຫນາໃນວິວັດການສະຫລຸບລັດຖະທຳມະນູນ 1992, ເພີ່ມເຕີມບັນດາຂໍ້ກຳນົດກ່ຽວຂ້ອງເຖິງການຮັບຮູ້ອົງການສາສະຫນາ, ບັນດານະໂຍບາຍກົດໝາຍ ເພື່ອເສີມຂະຫຍາຍບົດບາດ, ພາລະຫນ້າທີ່ສັງຄົມຂອງວຽກງານສາສະຫນາໃນການເຂົ້າຮ່ວມຫັນດ້ານສາທາລະນະສຸກ, ການສຶກສາ, ການກຸສົນມະນຸດສະທຳເປັນບັນຫາຂອງທົ່ວສັງຄົມ.