(vovworld) – ໃນຂອບເຂດການໄປປະຕິບັດງານຢູ່ສິງກະໂປ, ໃນລະຫວ່າງວັນທີ 03 – 05/11 ຂອງຄະນະຜູ້ແທນກະຊວງແຜນການ ແລະ ການລົງທຶນຫວຽດນາມ, ທ່ານລັດຖະມົນຕີ ບຸຍກວາງວິງ ໄດ້ມີການເຮັດວຽກກັບລັດຖະມົນຕີວ່າການກະຊວງການຄ້າ ແລະ ອຸດສາຫະກຳສິງກະໂປ Lim Hng Kiang, ການນຳບັນດາອົງການວິສາຫະກິດສາກົນສິງກະໂປ, ການນຳກຸ່ມບໍລິສັດ Sembcorp Development ແລະ ເປັນເຂົ້າການການພົບປະສົນທະນາກ່ຽວກັບການສົ່ງເສີມການລົງທຶນຂອງສິ່ງກະໂປ ເຂົ້າຟຸກ໋ວກ, ແຂວງກຽນຢາງ.
ຕາມທ່ານລັດຖະມົນຕີ ບຸຍກວາງວິງ ແລ້ວ, ການໄປປະຕິບັດງານຂອງຄະນະຜູ້ແທນກະຊວງແຜນການ ແລະ ການລົງທຶນຫວຽດນາມ ພ້ອມກັບການນຳບັນດາແຂວງກຽນຢາງ, ຮ່າຕິ້ງ, ເຫງະອານ ຄັ້ງນີ້ແມ່ນເພື່ອແນໃສ່ເຊື່ອມຕໍ່ບັນດາການເຄື່ອນໄຫວທີ່ໄດ້ວາງອອກໃນລາຍການເຊື່ອມຕໍ່ລະຫວ່າງ 2 ພື້ນຖານເສດຖະກິດຫວຽດນາມ - ສິງກະໂປ ຂັ້ນລັດຖະມົນຕີຄັ້ງທີ 10 ເຊິ່ງໄດ້ຈັດຂຶ້ນເມື່ອເດືອນ 04 ຜ່ານມາ. ໃນການຢ້ຽມຢາມ, 2 ຝ່າຍໄດ້ປຶກສາຫາລືລະອຽດບັນດາບັນຫາສຳຄັນເພື່ອແກ້ໄຂຂໍ້ຕິດຂັດໃນຂົງເຂດການຄ້າ, ການລົງທຶນ, ທະນາຄານ…
ວັນທີ 05/11, ທ່ານລັດຖະມົນຕີ ບຸຍກວາງວິງ ໄດ້ເຂົ້າຮ່ວມກອງປະຊຸມສົ່ງເສີມການລົງທຶນເຂົ້າແຂວງຮ່າຕິ້ງ ເພື່ອແນໃສ່ນຮຽກຮ້ອງການລົງທຶນຈາກສິງກະໂປ ເຂົ້າໃນຂົງເຂດຄື: ການບໍລິການທີ່ທັນສະໄໝ, ອຸດສາຫະກຳປຸງແຕ່ງ, ຜະລິດ ແລະ ພັດທະນາພື້ນຖານໂຄງລ່າງ.