(vovworld) - ວັນທີ 22/12, ພິທີສະເໜີຕົວສະໂມສອນ ເພື່ອນມິດວິທະຍຸ ຢູ່ບ້ານ ກ໋າ, ຕາແສງ, ຈ່ຽງອານ, ນະຄອນເຊີນລາ, ແຂວງເຊີນລາ. ທ່ານ ຫງວຽນດັງຕ໋ຽນ, ຜູ້ອຳນວຍການໃຫຍ່ວິທະຍຸກະຈາຍສຽງຫວຽດນາມ ໄດ້ເຂົ້າຮ່ວມພິທີ. ສະໂມສອນ ເພື່ອນມິດວິທະຍຸບ້ານກ໋າ ໄດ້ຮັບການສ້າງຕັ້ງຂຶ້ນເພື່ອເຕົ້າໂຮມບັນດາຜູ້ນິຍົມລາຍການຕ່າງໆຂອງວິທະຍຸກະຈາຍສຽງຫວຽດນາມ, ພິເສດແມ່ນບັນດາລາຍການກະຈາຍສຽງພາກພາສາຊົນເຜົ່າ ທ໋າຍ, ມົງ, ຢາວ… ທ່ານ ເກີມແຢງ, ຫົວໜ້າສະໂມສອນ ໃຫ້ຮູ້ວ່າ.
“ກ່ອນນີ້ພວກຂ້າພະເຈົ້າເຄີຍຮັບຟັງວິທະຍຸ ແຕ່ຮັບຟັງໃນຄອບຄົວຂອງຕົນ. ປະຈຸບັນໄດ້ສ້າງຕັ້ງສະໂມສອນແລ້ວ, ພວກຂ້າພະເຈົ້າຈະເຕົ້າໂຮມຮັບຟັງນຳກັນ ແລະ ພ້ອມກັນແລກປ່ຽນຂໍ້ມູນຂ່າວທາງວິທະຍຸ. ກໍຄືແນະນຳໃຫ້ພໍ່ແມ່ປະຊາຊົນໃນບ້ານຮັບຟັງນຳກັນແລະ ປະຕິບັດຕາມ ເພື່ອສ້າງໝູ່ບ້ານໃຫ້ນັບມື້ນັບທີ່ອີ່ມໜຳສຳລານ. ພວກຂ້າພະເຈົ້າພາກພູມໃຈຫຼາຍ.”