(vovworld) – ດ້ວຍຫົວຂໍ້ “ຮ່ວມມື ແລະ ພັດທະນາ”, ກອງປະຊຸມສະພາກາແດງຫວຽດນາມ ໄດ້ດຶງດູດຜູ້ແທນ, ຜູ້ຕາງໜ້າບັນດາອົງການພັກ, ລັດ, ແນວໂຮມປະເທດຊາດ, ຄະນະກຳມະການກາແດງສາກົນ ສະຫະສະພາກາແດງ ແລະ ກາຊິກວົງເດືອນແດງສາກົນ… ກວ່າ 150 ຄົນ. ກ່າວຄຳເຫັນທີ່ກອງປະຊຸມ, ທ່ານປະທານປະເທດຫວຽດນາມ ເຈືອນເຕີນຊາງ ໄດ້ຕີລາຄາສູງບັນດາໝາກຜົນການເຄື່ອນໄຫວເຊິ່ງສະພາກາແດງຫວຽດນາມ ບັນລຸໄດ້ໃນ 3 ປີຜ່ານມາ, ພິເສດແມ່ນບັນດາລາຍການ, ໂຄງການສາກົນ. ທ່ານປະທານປະເທດ ເນັ້ນໜັກ ເຖິງການໜູນຊ່ວຍທີ່ບໍ່ຮູ້ອິດຮູ້ເມື່ອຍຂອງຖັນແຖວພະນັກງານ, ສະມາຊິກ, ຜູ້ອາສາສະໝັກສະພາກາແດງຫວຽດນາມ ດ້ວຍການໜູນຊ່ວຍຂອງບັນດາຄູ່ຮ່ວມມືໄດ້ປະກອບສ່ວນຕັ້ງໜ້າເຂົ້າໃນການໜູນຊ່ວຍບັນດາຜູ້ປະສົບກັບຄວາມຫຍຸ້ງຍາກບື່ນຕົວຂຶ້ນໃນຊີວິດ. ທ່ານປະທານປະເທດຢືນຢັນວ່າ, ຍາມໃນພັກ, ລັດຫວຽດນາມ ກໍ່ສ້າງເງື່ອນໄຂສະດວກເພື່ອໃຫ້ສະພາກາແດງຫວຽດນາມ ພັດທະນາ, ປະຕິບັດພາລະໜ້າທີ່ເປັນຢ່າງດີ. ທີ່ກອງປະຊຸມຄູ່ຮ່ວມມືຄັ້ງນີ້, ທ່ານປະທານປະເທດສະເໜີໃຫ້ບັນດາຜູ້ແທນສຸມໃສ່ປຶກສາຫາລືມາດຕະການລະດົມການເຂົ້າຮ່ວມຂອງປະຊາຄົມ, ຍົກສູງປະສິດທິຜົນບັນດາໂຄງການໜູນຊ່ວຍຜູ້ປະສົບກັບຄວາມຫຍຸ້ງຍາກໃນສະພາບຄືປະຈຸບັນ.
ທີ່ກອງປະຊຸມຄັ້ງນີ້, ສະຫະສະພາກາແດງ ແລະ ກາຊີກວົງເດືອນແດງສາກົນ, ຄະນະກຳມະການກາແດງສາກົນ ແລະ ສະພາກາແດງ 9 ແຫ່ງຂອງບັນດາປະເທດໄດ້ໃຫ້ຄຳໝັ້ນສັນຍາໜູນຊ່ວຍ 25, ໂຄງການ ດ້ວຍຍອດຈຳນວນເງິນ 233 ຕື້ດົງ…