(vovworld) – ປີ 2015, ທະນາຄານແຫ່ງລັດຫວຽດນາມສຸ້ຊົນຍົກລະດັບການຊຳລະຂຶ້ນແຕ່ 16 - 18% ແລະ ສິນເຊື່ອຂຶ້ນ 13 - 15% - ນີ້ແມ່ນແຫຼ່ງຂ່າວໄດ້ຍົກອອກມາທີ່ກອງປະຊຸມຜັນຂະຫຍາຍໜ້າທີ່ຂະແໜງທະນາຄານປີ 2015, ໂດຍທະນາຄານແຫ່ງລັດຈັດຕັ້ງໃນຕອນເຊົ້າວັນທີ 24/12, ຢູ່ ຮ່າໂນ້ຍ. ຕາມບົດລາຍງານຂອງທະນາຄານແຫ່ງລັດແລ້ວ, ຄາດວ່າຮອດທ້າຍປີນີ້, ລະດັບເຕີບໂຕສິນເຊື່ອບັນລຸກ່ວາ 12%. ການຊຳລະຂອງອົງການສິນເຊື່ອໄດ້ຮັບປະກັນ ແລະ ເຫຼືອເຟື່ອ, ກຳໄລໃນຕະຫຼາດເງິນຕາລະຫວ່າງທະນາຄານເປັນປົກກະຕິ. ຜູ້ວ່າການທະນາຄານແຫ່ງລັດ ຫງວຽນວັນບີ່ງ ຢືນຢັນວ່າ: ເລື່ອງເປັນເຈົ້າການບໍລິຫານນະໂຍບາຍເງິນຕາຕ້ອງລະມັດລະວັງ, ມີໄຫວພິບ ເໝາະສົມກັບຈຸດໝາຍວາງອອກ ແລະ ສະພາບຕົວຈິງ ໄດ້ປະກອບສ່ວນສຳຄັນເຂົ້າໃນການຮັກສາເສດຖະກິດມະຫາພາກເປັນປົກກະຕິ ແລະ ຄວບຄຸມພເງິນເຟີ້ໃຫ້, ປະກອບສ່ວນຕັ້ງໜ້າເຂົ້າໃນການພັດທະນາລວມຂອງປະເທດຊາດ. ກ່າວຄຳເຫັນທີ່ກອງປະຊຸມ, ທ່ານນາງຮອງປະທານປະເທດ ຫງວຽນທິຢວານ, ເນັ້ນໜັກວ່າ: ໃນສະພາບການພື້ນຖານເສດຖະກິດຂອງປະເທດຊາດພວມເຊື່ອມໂຍງຢ່າງເລິກເຊິ່ງ ແລະ ກ້ວາງຂວາງ ກັບພື້ນຖານເສດຖະກິດໂລກຄືປະຈຸບັນ, ການພັດທະນາຂອງຂະແໜງທະນາຄານແມ່ນໜຶ່ງໃນບັນດາປັດໄຈຕັດສິນຊີ້ຂາດໃຫ້ແກ່ການພັດທະນາຂອງປະເທດຊາດ. ທ່ານນາງຮອງປະທານປະເທດ ຫງວຽນທິຢວານ, ເນັ້ນໜັກວ່າ:
“ຂ້າພະເຈົ້າສະເໜີໃຫ້ຂະແໜງທະນາຄານປະຕິບັດການພັດທະນາລະບົບທະນາຄານປີ 2015 ເປັນຢ່າງດີ ຕາມທິດບໍລິຫານນະໂຍບາຍການເງິນຢ່າງມີໄຫວພິບ, ມີປະສິດທິຜົນ, ຄວບຄຸມໄພເງິນເຟີ້ເປັນຢ່າງດີ, ເພີ່ມທະວີການຄຸ້ມຄອງຄວາມສ່ຽງ, ກວດກາການຕິດຕາມກວດກາຍົກສູງຄຸນນະພາບສິນເຊື່ອປະກອບສ່ວນຮັບປະກັນໃຫ້ເສດຖະກິດມະຫາພາກເຕີບໂຕຢ່າງເໝາະສົມ ແລະ ແກ້ໄຂໜີ້ເສຍຕາມວິວັດທະນາການໄດ້ວາງອອກຢ່າງເດັດຂາດ. ຢາກເຮັດໄດ້ສິ່ງດັ່ງກ່າວ ຮຽກຮ້ອງໃຫ້ພະນັກງານທະນາຄານທົ່ວລະບົບຕ້ອງເສີມຂະຫຍາຍຄຸນນະທາດ, ພຸມປັນຍາຂະຫຍັນຂັນເຄື່ອນ, ມີຫົວຄິດປະດິດສ້າງ”