(vovworld) – ວັນທີ 29/06, ປະຊາຄົມຊາວຫວຽດນາມ ອາໄສຢູ່ນະຄອນ Yaroslavl ສະຫະພັນລັດເຊຍ ໄດ້ຈັດລາຍການມຸ່ງໄປສູ່ທະເລ, ໝູ່ເກາະແຫ່ງບ້ານເກີດເມືອງນອນ. ພາຍຫຼັງພິທີເຄົາລົບທຸງ, ທ່ານ ເລຢຸຍນິງ, ຫົວໜ້າຄະນະວົງຄະນະຍາດນະຄອນ Yaroslavl ໄດ້ແຈ້ງຂໍ້ມູນກ່ຽວກັບສະພາບຜັນແປຢູ່ທະເລຕາເວັນອອກ ພາຍຫຼັງທີ່ຈີນ ຕັ້ງຮ້ານເຈາະນ້ຳມັນ ໄຮ່ຢາງ 981 ຢ່າງຜິດກົດໝາຍໃນເຂດເສດຖະກິດຈຳເພາະ ແລະ ໄຫຼ່ທະວີບຂອງຫວຽດນາມ. ຕາງໜ້າໃຫ້ສະຖານທູດຫວຽດນາມ ປະຈຳສະຫະພັນລັດເຊຍ, ທ່ານ ຫງວຽນຮຸ່ງ, ທີ່ປຶກສາສະຖານທູດຫວຽດນາມ ປະຈຳສະຫະພັນລັດເຊຍ, ຖືວ່າ.
“ການເຂົ້າຮ່ວມ, ສະໜັບສະໜູນ ແລະ ລະດົມກຳລັງໃຈຂອງພໍ່ແມ່ປະຊາຊົນໃນໄລຍະຜ່ານມາໄດ້ຮັບການຕີລາສູງຈາກບັນດາອົງການທີ່ກ່ຽວຂ້ອງ. ຂ້າພະເຈົ້າກໍ່ຕີລາຄາສູງການສະໜັບສະໜູນ ແລະ ການເຂົ້າຮ່ວມຂອງປະຊາຊົນອາໄສຢູ່ Yaroslavl ສຳລັບບັ້ນຂົນຂວາຍບໍລິຈາກນີ້. ຂ້າພະເຈົ້າຫວັງວ່າ ພໍ່ແມ່ປະຊາຊົນຈະສືບຕໍ່ມີການປະກອບສ່ວນອັນແທດຈິງເພື່ອບ້ານເກີດເມືອງນອນ.
ນັກຄົ້ນຄວ້າດ່າວເທນາມ ແລະ ຫງວຽນດິ່ງຟຽນ, ຕາງໜ້າໃຫ້ໄວໜຸ່ມຫວຽດນາມ ຢູ່ບັນດານະຄອນ Yaroslavl, ພ້ອມກັນອ່ານຈົດໝາຍເປີດ, ໃນຈົດໝາຍໄດ້ຮຽກຮ້ອງໃຫ້ຈີນ ຖອນຮ້ານເຈາະນ້ຳມັນໄຮ່ຢາງ 981 ແລະ ບັນດາກຳປັ່ນປ້ອງກັນອອກຈາກເຂດເສດຖະກິດຈຳເພາະ ແລະ ໄຫຼ່ທະວີບຂອງຫວຽດນາມ.
ພໍ່ແມ່ປະຊາຊົນໄດ້ບໍລິຈາກເງິນເກືອບ 2.000 USD ມອບໃຫ້ຜູ້ຕາງໜ້າສະຖານທູດຫວຽດນາມ ເພື່ອປະກອບສ່ວນເຂົ້າກອງທຶນເພື່ອທະເລ, ໝູ່ເກາະຫວຽດນາມ.