(ພາບປະກອບ: TTXVN)

        ໃນເວັບໄຊຂອງ Global Risk Insights (GRI) ຫາກໍລົງບົດຂຽນ ໂດຍໃຫ້ຂໍ້ສັງເກດກ່ຽວກັບ ສັນຍາການຄ້າເສລີ ລະຫວ່າງ ອີຢູ ກັບ ຫວຽດນາມ (EVFTA) ແລະ ສັນຍາອາລັກຂາການລົງທຶນ ລະຫວ່າງ ອີຢູ ກັບ ຫວຽດນາມ (EVIPA) ວ່າ ຈະມີຜົນກະທົບຢ່າງໃຫຍ່ຫຼວງຕໍ່ບັນດາບໍລິສັດສົ່ງອອກ, ນັກລົງທຶນຕ່າງປະເທດ ແລະ ຜູ້ບໍລິໂພກ ຢູ່ຫວຽດນາມ. ບົດຂຽນດັ່ງກ່າວ ໄດ້ຖືວ່າ ສັນຍາ EVFTA  ແລະ EVIPA ມີຄວາມໝາຍສໍາຄັນສໍາລັບ FDI ຂອງ ອີຢູ ຢູ່ ຫວຽດນາມ. ບັນດາຂໍ້ມູນໄດ້ຊີ້ໃຫ້ເຫັນວ່າ 70% ປະລິມານສິນຄ້າສົ່ງອອກຂອງຫວຽດນາມ ມີສ່ວນກ່ຽວຂ້ອງເຖິງ FDI. ດັ່ງນັ້ນ, ບັນດານັກລົງທຶນ ອີຢູ ກໍຈະໄດ້ຮັບຜົນປະໂຫຍດຈາກການເປີດກວ້າງກໍາລັງຄວາມສາມາດໃນການສົ່ງອອກ ຍ້ອນບັນດາລະດັບພາສີນໍາເຂົ້າຕໍ່າກວ່າ ໃນອີຢູ.

        ບົດຂຽນ ໄດ້ສະຫຼຸບວ່າ ສັນຍາ EVFTA  ແລະ EVIPA ຈະສະໜອງບັນດາຜົນປະໂຫຍດເພີ່ມເຕີມໃຫ້ແກ່ພື້ນຖານເສດຖະກິດຫວຽດນາມ. ແນ່ນອນວ່າ ບັນດາບໍລິສັດສົ່ງອອກຂອງຫວຽດນາມ ຈະໄດ້ສໍາຜັດກັບບຸລິມະສິດສໍາລັບຕະຫຼາດ ອີຢູ ທີ່ມີມູນຄ່າ 18.000 ຕື້ USD. ສັນຍາ 2 ສະບັບດັ່ງກ່າວ ຈະຊ່ວຍເປີດກວ້າງອັດຕາສ່ວນຜະລິດຕະພັນຂອງຫວຽດນາມ ໃນຕະຫຼາດ ອີຢູ ນັບທັງໄລຍະປານກາງ ແລະ ໄລຍະຍາວ.