ໃນຊຸມວັນນີ້, ສວນໝາກສົ້ມໂອຢ້ຽນ (ຢູ່ຕາແສງ ຝຸກຢ້ຽນ, ເມືອງ ບັກຕື່ລຽມ, ນະຄອນ ຮ່າໂນ້ຍ) ພວມກ້າວເຂົ້າລະດູການສຸກເຫຼືອງ. ອ້າຍ ຫງວຽນຢາຢຸງ, ເຈົ້າຂອງສວນ ຢຸງທູ (ຢູ່ຕາແສງ ຝຸກຢ້ຽນ, ເມືອງ ບັກຕື່ລຽມ, ນະຄອນ ຮ່າໂນ້ຍ) ໃຫ້ຮູ້ວ່າ ຕົ້ນໝາກສົ້ມໂອ 2.000 ຕົ້ນ ປູກມາໄດ້ 29 ປີ ຂອງຜົວເມຍອ້າຍ, ປີໃດກໍໃຫ້ໝາກດົກ, ຮອດລະດູການ, ໝາກໃດກໍສຸກເຫຼືອງ. ບັນຍາກາດທີ່ງາມດັ່ງພາບແຕ້ມນັ້ນ ໄດ້ດຶງດູດແຂກທ່ອງທ່ຽວມາຢ້ຽມຊົມ ແລະ ເກັບພາບເປັນທີ່ລະນຶກເປັນຈຳນວນຫຼວງຫຼາຍ. ເອື້ອຍນ້ອງແມ່ຍິງຫຼາຍຄົນພາກັນນຸ່ງຊຸດເສື້ອຍາວ ໄປຖ່າຍຮູບເປັນທີ່ລະນຶກ ເນື່ອງໃນໂອກາດບຸນປີໃໝ່ປະຈຳຊາດ ລາຄາປີ້ເຂົ້າຖ່າຍຮູບແມ່ນ 50.000 ດົ່ງຕໍ່ຄົນ. ແຂກທ່ອງທ່ຽວສາມາດຊື້ໝາກກ້ຽງໃຫຍ່ຢູ່ກັບສວນດ້ວຍລາຄາປະມານແຕ່ 10.000 – 40.000 ດົ່ງຕໍ່ໜ່ວຍ. ພໍເຫັນໝາກກ້ຽງໃຫຍ່ກຳລັງສຸກເຫຼືອງ ແລະ ສົ່ງກິ່ນຫອມຫວນໄປທົ່ວເຂດ ກໍໝາຍຄວາມວ່າ ບຸນເຕັດວຽນມາແລ້ວ. ຈັ່ງຫວະການເຮັດວຽກແບບຫົວຄິດຫົວໄຖ ໃນຊຸມວັນສຸດທ້າຍຂອງປີຢູ່ສວນ. ໝາກສົ້ມໂອ ຢ້ຽນ ແມ່ນໝາກໄມ້ພື້ນບ້ານທີ່ເປັນເອກະລັກຂອງຮ່າໂນ້ຍ ນັບແຕ່ໃດໆມາຮອດປັດຈຸບັນ, ສະນັ້ນ, ພໍ່ຄ້າຊາວຂາຍຢູ່ແຂວງຕ່າງໆ ໄດ້ເກັບຊື້ຢູ່ກັບສວນເປັນຈຳນວນຫຼາຍ. Từ khóa: VOV VOVworld ຕອບກັບ ສົ່ງ Xem thêm