យោងតាមខុទ្ទកាល័យរដ្ឋសភា តាមគម្រោង សម័យប្រជុំលើកទី ១៦ នៃគណៈកម្មាធិ ការអចិន្ត្រៃយ៍រដ្ឋសភា នឹងបើកនៅថ្ងៃទី ១០ ខែតុលា និងបិទនៅថ្ងៃទី១២ ខែតុលា នៅទីក្រុងហាណូយ។ ប្រធានរដ្ឋសភា លោក Vuong Dinh Hue អញ្ជើញចូលរួម ថ្លែងសុន្ទរកថាបើក និងរួមជាមួយនឹងអនុប្រធានរដ្ឋសភាបានផ្លាស់ប្តូរវេន ដឹកនាំរាល់សម័យប្រជុំ។ នៅក្នុងកិច្ចប្រជុំនេះ គណៈកម្មាធិការអចិន្ត្រៃយ៍រដ្ឋសភាបានពិចារណា និងផ្តល់យោបល់លើបញ្ហាសំខាន់ៗជាច្រើនដូចជា៖ សេចក្តីព្រាងរបាយការណ៍បូកសរុបមតិ និងអនុសាសន៍របស់អ្នកបោះឆ្នោត និងប្រជាពលរដ្ឋ ដែលត្រូវបញ្ជូនទៅសម័យប្រជុំរដ្ឋសភាលើកទី ៤; របាយការណ៍ស្តីពីលទ្ធផលនៃការទទួលប្រជាពលរដ្ឋ ការទទួលនិងដំណើរការញត្តិរបស់ប្រជាពលរដ្ឋ និងលទ្ធផលនៃការត្រួតពិនិត្យការដោះស្រាយបណ្តឹង និងការបរិហារកេរ្តិ៍របស់ប្រជាពលរដ្ឋ បញ្ជូនទៅរដ្ឋសភា ឆ្នាំ២០២២; របាយការណ៍ស្តីពីការអនុវត្តសេចក្តីសម្រេចចិត្តស្តីពីការសាកល្បងយន្តការ និងគោលនយោបាយជាក់ស្តែង សម្រាប់ការអភិវឌ្ឍទីក្រុងហូជីមិញ; របាយការណ៍បូកសរុបរយៈពេល៣ឆ្នាំនៃការអនុវត្តសេចក្តីសម្រេចចិត្តស្តីពីយន្តការ និងគោលនយោបាយហិរញ្ញវត្ថុ និងថវិកាជាក់ស្តែងសម្រាប់រដ្ឋធានីហាណូយ; របាយការណ៍របស់រដ្ឋាភិបាលស្តីពីការអនុវត្តផែនការអភិវឌ្ឍន៍សេដ្ឋកិច្ច-សង្គម និងការប៉ាន់ប្រមាណថវិការដ្ឋក្នុងឆ្នាំ២០២២ ផែនការអភិវឌ្ឍន៍សេដ្ឋកិច្ច-សង្គមនៅឆ្នាំ២០២៣; របាយការណ៍របស់រដ្ឋាភិបាលស្តីពីលទ្ធផលនៃការអនុវត្តកម្មវិធីគោល ដៅជាតិសម្រាប់ការអភិវឌ្ឍន៍សេដ្ឋកិច្ចសង្គមនៅតំបន់ជនជាតិភាគតិច និងតំបន់ព្រៃភ្នំ ដំណាក់កាលឆ្នាំ ២០២១-២០៣០...៕