នាថ្ងៃទី ១៨ ខែវិច្ឆិកា សភាអ៊ឺរ៉ុបបានបោះឆ្នោតដើម្បីអនុម័តតែងតាំងបេក្ខជនលោក Oliver Varhelyi របស់ហុងគ្រីឱ្យកាន់តំណែងគណៈកម្មការអឺរ៉ុប ដែលទទួលបន្ទុកការពង្រីកសហភាពអឺរ៉ុបនិងទំនាក់ទំនងរបស់សហភាពអឺរ៉ុបជាមួយប្រទេសជិតខាង។ ដោយមានបេក្ខជនហុងគ្រីត្រូវបានអនុម័ត សមាសភាពគណៈកម្មការអឺរ៉ុបអាណត្តិឆ្នាំ ២០១៩-២០២៤ អាចត្រូវបានចាត់ទុកថាសម្រេចរួចរាល់ ដោយមានគណៈកម្មាធិការចំនួន ២៧ ដែលតំណាងឱ្យប្រទេសជាសមាជិកចំនួន ២៧ និងប្រធានថ្មីលោកស្រី Ursula von der Leyen អតីតក្រសួងការពារជាតិអាល្លឺម៉ង់។ មានតែតំណែងមួយប៉ុណ្ណោះដែលនៅទំនេរគឺសមាជិកតំណាងឱ្យព្រះរាជាណាចក្រអង់គ្លេស។ ប្រទេសនេះ តាមទ្រឹស្តីនៅតែជាសមាជិកសហភាពអឺរ៉ុបដោយមិនទាន់ប្រតិបត្តិ Brexit ។  បច្ចុប្បន្ននេះ សហភាពអ៊ឺរ៉ុបកំពុងអនុវត្តដំណើរការដើម្បីផាកពិន័យព្រះរាជាណាចក្រអង់គ្លេសព្រោះមិនមានការតែងតាំងសម្រាប់តំណែងនេះទេ។

បើយោងតាមផែនការ នាថ្ងៃទី ២៧ ខែវិច្ឆិកា សភាអឺរ៉ុបនឹងបើកសម័យប្រជុំពេញអង្គនៅ Strasbourg ដើម្បីបោះឆ្នោតជាលើកចុងក្រោយលើក្រុមប្រតិបត្តិអឺរ៉ុបទាំងមូលសម្រាប់អាណត្តិបន្ទាប់។ ប្រសិនបើវាឆ្លងកាត់ការបោះឆ្នោតនៃសភាអឺរ៉ុបទាំងមូលនោះ សមាជិកថ្មីនៃគណៈកម្មការអឺរ៉ុបនឹងចូលកាន់តំណែងជាផ្លូវការនៅថ្ងៃទី ១ ខែធ្នូឆ្នាំ ២០១៩ ដោយជំនួសអតីតសមាជិករបស់លោក Jean-Claude Juncker៕