ឆ្នាំនេះអាកាសធាតុអំណោយផលទើបផ្លែក្រូចថ្លុងមានរស់ជាតិឈ្ងុយឆ្ងាញ់ និងលក់ដាច់ខ្លាំងណាស់។
ចាប់ពីពាក់កណ្តាលខែវិច្ឆិកា តាមច័ន្ទគតិ អ្នកដាំក្រូចថ្លុងនៅសង្កាត់ Phu Dien ចាប់ផ្តើមឈានចូលរដូវប្រមូលផលក្រូចថ្លុងដ៏ធំបំផុតប្រចាំឆ្នាំ។
តាំងពីយូរយារណាស់មកហើយ ក្រូចថ្លុងភូមិ Dien ត្រូវបានចាត់ទុកថា ជាមុខម្ហូបពិសេសរបស់ទីក្រុងហាណូយ។ នេះក៏ជាកាដូដែលមនុស្សជាច្រើននិយមចូលចិត្ត នៅពេលថ្ងៃចូលឆ្នាំ។
ដើមក្រូចថ្លុងមានផ្លែត្រសុំត្រសាយ ស្បែកពណ៌មាស ហើយមានក្លិនក្រអូប។
ក្រូចថ្លុងឆ្នាំនេះ ផ្លែនីមួយៗមានរាងមូលស្អាត ក្លែបក្រាស់ និងទឹកដម។
កសិករបានឲ្យដឹងថា ក្រូចថ្លុងភូមិ Dien ទុកកាន់តែយូរ កាន់តែមានរសជាតិឈ្ងុយឆ្ងាញ់ និងផ្អែមខ្លាំង។
ដើមក្រូចថ្លុងទាំងនេះ មានអាយុកាលជាង២០ឆ្នាំហើយ។
នៅសល់រយៈពេលជាងមួយខែទៀត ទើបដល់ថ្ងៃចូលឆ្នាំព្រពៃណី ប៉ុន្តែអតិថិជនជាច្រើនពីគ្រប់ទិសទីបានមកកុម្ម៉ង់ទុកជាមុន សម្រាប់ញ៉ាំក្នុងអំឡុងបុណ្យតេត និងធ្វើជាកាដូ។
អ្នកស្រី Tran Thi Mai (រស់នៅខណ្ឌ Hai Ba Trung ទីក្រុងហាណូយ) បានឲ្យដឹងថា ៖ “ក្រូចថ្លុងនៅទីនេះមានរាងស្អាត គុណភាព ឈ្ងុយឆ្ងាញ់និងផ្អែមខ្លាំង ដូច្នេះគ្រួសារខ្ញុំ និងអតិថិជនចូលចិត្តខ្លាំងណាស់។ ឆ្នាំនេះ ខ្ញុំទិញក្រូចថ្លុងចំនួន ៥០០ ផ្លែ មកហូបនិងជូនជាកាដូផងដែរ»។
អ្នកស្រុកបានឲ្យដឹងថា ឆ្នាំនេះអាកាសធាតុអំណោយផលល្អ ដូច្នេះហើយ ដើមក្រូចថ្លុងភូមិ Dien ភាគច្រើនបានប្រមូលផលល្អ និងមានផ្លែច្រើន។ ប្រមូលផលបានប៉ុណ្ណា គឺលក់ដាច់ប៉ុណ្ណោះ។
ក្រូចថ្លុងមួយដើមអាចប្រមូលផលពី ១០០ ទៅ ៣០០ ផ្លែ។ អតិថិជនអាចជ្រើសរើសទិញពីចំការ ឬទិញដើមក្រុចថ្លុងទាំងមូល។
ដោយមានផ្ទៃដីដាំក្រូចថ្លុងដ៏ធំ ម្ចាស់ចំការត្រូវជួលកម្មករទៅប្រមូលផល។ កម្មករជាច្រើននៅក្នុងភូមិទទួលប្រាក់ចំណូលបន្ថែមពីការប្រមូលផលក្រូចថ្លុង ជាមធ្យមពី ២៧០.០០០ - ៣០០.០០០ ដុង/ម្នាក់/ថ្ងៃ។
តាំងពីព្រឹកព្រលឹមរហូតដល់ព្រលប់ ម្ចាស់ចំការកំពុងប្រញាប់ប្រញាល ប្រមូលផលក្រូចថ្លុងដើម្បីផ្គត់ផ្គង់ទៅកាន់ទីផ្សារក្នុងអំឡុងបុណ្យតេត។
ជាមួយនឹងផ្ទៃដីដាំដើមក្រូចថ្លុងធំទូលាយ ទើបម្ចាស់ចំការត្រូវប្រើប្រាស់ត្រាក់ទ័រដើម្បីជួយសន្សំសំចៃពេលវេលា និងកម្លាំងពលកម្មសម្រាប់ការដឹកជញ្ជូន។
សព្វថ្ងៃនេះ ពូជក្រូចថ្លុងភូមិ Dien ត្រូវបានដាំដុះនៅគ្រប់ទីកន្លែង ប៉ុន្តែគ្មានកន្លែងណាដែលផលិតក្រូចថ្លុងដ៏ឈ្ងុយឆ្ងាញ់ ជាមួយនឹងរសជាតិប្លែកៗ ដូចជាផ្លែក្រូចថ្លុងដែលបានដាំដុះនៅ Phu Dien នោះទេ។
ក្រូចថ្លុងភូមិ Dien អាចប្រើប្រាស់ ធ្វើសក្ការៈបូជា និងបរិភោគ ដូច្នេះវាត្រូវបានប្រជាជននិយមចូលចិត្ត ហើយត្រូវបានចាត់ទុកថាជាមុខម្ហូបពិសេសរបស់រដ្ឋធានីហាណូយ៕